WeWeWeb .NET

又係一啲"懶可憐"既故事. 買貓餸? 貓又係食魚人又係, 有幾大分別呢. 我以前都有養貓, 買啲貓魚都唔知幾大條, 煎熟佢果時都唔知幾香, 唔好話啲貓仔呀, 我整果時都唔知幾想偷食. 咁究竟貓魚有乜特別呢? 最大既分別就係佢地係比較多啲骨既魚, 啲人費事揀骨而已. 所以一般貓魚係用來煲魚湯用. 要攝取蛋白質, 真係唔一定要食肉, 雞蛋或豆類食物就可以了. 如果小朋友要求"淡淡"肉, 可以去問巴西雪雞肶, 10元有2隻, 唔太貴吧. 我今天行超市, 一包免字豬肉, 也只是12元許, 可吃兩餐. 不過都唔好比小朋友食咁多肉, 跟據食物金字塔, 佢只係樓上第二層, 量不可太多. 一個真正窮既家庭, 其實應該係煮一餐, 食三餐. 個概念就係好似OL丁飯做午飯, 都係食返昨日餘下來的食物.

至於著衫, 如果唔係為咗個新款, 其實係好平. 一件T-恤, 30蚊以內, 可以著五年. 一條短波褲, 我樓下間運動鋪重賣緊10蚊條. 基本上衣食住行, 衣既消費係最平既, 我地一個月都唔買一件衫都冇問題.

再講看醫生, 唔好似為食成藥比看醫生平. 看一次公立街症,新界區只是45元, 有三天藥. 但你去藥房買成藥, 咳藥水係20幾至40不等, 感冒藥亦係20幾至40不等, 重唔包喉糖. 日頭要返工又可以選擇夜診. 咁為何要食成藥?

身為一個窮人, 冇錢就緊係要量入為出喇, 政府又有綜援制度, 唔會餓死人. 有什麼可憐可言? 你冇錢, 咪努力工作, 並同時增強自己既價值囉. 日日係度自哎自憐, 有乜用呢? 最差係啲福利機構, 打著為窮人請命既旗號, 其中的一個目的都係為咗向政府爭取更多既資源.

如果香港要好像西方一樣, 大幅增加福利的話, 其最終結果只會令香港政府破產收場. 貧窮問題一直存在, 連世界經濟第一強國美國也沒法解決, 更何況是香港呢?

"(星島日報 報道)本港今年經濟增長強勁，但基層生活卻每況愈下。一個針對物價高漲對基層家庭影響的調查顯示，受訪家庭中，六成今年與去年收入沒有增加，另有兩成家庭收入更下跌，面對物價上升，四成受訪家庭表示入不敷支，唯有靠節衣縮食對抗通脹，包括著二手衫、一日三餐減至兩餐，以及買「貓餸」。..."

Source: http://hk.news.yahoo.com/article/101023/3/kvky.html

我覺得最高領導人講出好多人既心聲...

唔... 原來貓餸係咁既... 原來最高領導人煮嘢食係咁叻既!

我曾幻想過自己好窮會點過日子? 唔, 可以做的事就只有量入為出, 應慳得慳.

正如最高領導人所分析, 衣食兩方面的支出可以盡量減省. 衣物不用再買, 只在爛了時才買, 平時的衣服只要整齊乾淨便可. 食物方面, 真係平有平食, 已可以好好味... 例如蒸水蛋、煮個麵、自製豆漿...等等, 都是經濟實惠又美味的食物. 街上也有10蚊碗麵, 另也有十幾蚊既飯盒; 而且超市經常都有啲快到保質期但又OK的食物和飲品. 我也經常買啲快將過期的果汁來飲(價錢減成一半), 通常過了保質期十幾天仍無問題...

至於"行"方面, 無乜特別原因就盡量不搭車, 或選擇較平的交通工具外出.

至於"住"方面, 唯有量入為出, 揀選啲平租既樓, 分分鐘要住啲板間房. 如可住公屋, 就已慳了不少.

我諗極大部份的人都不想做窮人, 但如最終因各種不同原因要做窮人, 也只能接受現實, 諗啲方法去令自己生活好過一點, 快樂一點.