WeWeWeb .NET

條路係私家路, 管理公司係有權管理及限制車輛出入架bor. 而家只是禁止貨櫃車, 理論上只會影響到果d貨櫃場主, 為何d村民咁熱心出來抗議呢?

其實政府已開放了錦壆路, 但係因為錦壆路比較窄，又比錦綉大道遠多3公里. 所以比較唔方便.

"錦 綉 禁 櫃 車 　 大 生 圍 村 民 擬 堵 塞 抗 議

【本 報 訊 】 元 朗 錦 綉 花 園 管 理 公 司 ， 昨 日 在 錦 綉 大 道 出 入 口 設 置 閘 杆 ， 禁 止 貨 櫃 車 使用 錦 綉 大 道 ； 昨 貨 櫃 車 流 量 不 多 ， 對 交 通 影 響 並 不 太 大 。 但 錦 綉 花 園 的 做 法 ， 引 起附 近 大 生 圍 村 民 不 滿 ， 不 排 除 今 日 發 起 堵 塞 行 動 。..."

Source: http://appledaily.atnext.com/template/a ... d=12496713

今次事件, 好明顯係d貨車司機唔啱, 靠惡. 佢地堵塞十字路口, 基本上係犯交通例, 個十字路口係黃格. 只係警方冇胆抄佢牌同拖走佢架車. 而佢地又唔係冇第二條路行, 而只是為貪方便同省油錢.

有人話地契例明村民有使用權. 跟據蘋果既資料: "錦 綉 花 園 的 批 地 契 約 已 訂 明 大 業 主 需 自 行 解 決 錦 綉 花園 大 道 使 用 權 問 題", 即表示大生圍村民的使用權沒有訂明於地契內, 但我相信讓村民使用該路段係一個大原則. 但當年出入該路的就只是村民而沒有貨櫃車. 所以管理公司只是禁止貨櫃車, 而非其他車輛(大生圍村民)使用該路段. 其實我而好懷疑, 貨櫃車司機使用是否等同村民使用.

再看電視, 大生圍村民拿椅子坐在錦綉大道中 (大部份都是老人家). 嘩, 咁都得? 比你地用係指比你地坐車用, 唔係用來乘涼bor. 不過我看到一點, 佢地格鄰有好多蒸餾水, 而且有幾個年青人 (個樣唔係好) 去攪激烈抗爭. 以我估計村民背後好可能係經有勢力人仕指使.

我個人覺得政府係有需要出手去解決此次事件, 而唔係縮埋一邊, 等時間過, 因為這個給人一個無能政府的印象. 最簡單方法就是限制長車出入該路段. 如果怕比人話. 就要諗下計, 誘導佢地肯尋求法庭仲裁.

最後我認為d貨櫃車司機唔可以靠惡, 如果佢地犯咗例, 警方係應該做野. (好似上次貨櫃車堵塞中環, 警察都唔賣佢地既賬架).

我至怕啲聲大夾惡既人...

絶對同意Willy講"最後我認為d貨櫃車司機唔可以靠惡, 如果佢地犯咗例, 警方係應該做野."

無奈地, 社會上總是有很多人持惡行兇, 以為自己大哂, 經常理直氣壯, 講乜都覺得係道理, 但事實上係啲本末倒置既超級歪理.

不知大家有否不幸地遇上呢啲人呢? 肥Bean係好幾年前也遇上了一個有上述惡人特徵既人, 那次發生的是一件極之不合理的事, 更令我清楚知道佢係一個點樣既嘢人... 事源佢買了一件幾千蚊的東西無耐就自己唔小心整花咗, 結果走去店舖投訴要換貨. 唉, 佢竟然天真到以為人哋係Lu Lu會肯換俾佢, 結果佢聽到人哋say no咪係間舖內狂閙人囉. 之後...佢仲好氣憤地同我依依哦哦咗成個鐘, 我只能不作聲地聽佢發嗡風, 事關如我持相反意見的話, 佢一定唔高興及黑哂臉... 當時, 其實很想講"成件事個源頭係你自己搞出嚟, 你憑什麼去鬧人?"

正所謂"道不同, 不相為謀". 之後. 我更與此人保持更遠的距離(當然, 還有其他不同事件堆積而令我對一個人有咁差既印象). 真高興, 佢己極少在我的視線範圍內出現. 有時在街上看見一個類似佢身型既人, 都有一種驚恐既感覺.

肥Bean個腦轉得慢, 一定唔夠啲惡人一輪咀大聲講嘢, 所以遇上惡人, 肥Bean只會走為上著, 費事同佢嘈.