特首下令打擊毒禍 禁毒委會獻計: 青少年禁夜蒲網吧

[willy]

用隻狗都幾好呀, 我贊成. 不過唔知行政方面可唔可行呢. 重有條狗個鼻咁鬼靈, 會唔會攪到要搵幾架旅遊車, 一車一車咁載班學生去差館旅行架.

立例管制網吧, 為咗阻止學生索K就大可不必喇. 不過如果話16歲以下12點後唔可以留係網吧, 我又覺得ok呀. 據我所知台灣都係行梗呢個制度. 我認為唔係針對佢地索K, 而係減少啲小朋友沈迷打機. 16歲以下多數都係學生, 12點重係度打機, 你話返到屋企訓會係幾點呢? 佢地第二日晨咁早就上堂, 你話唔係堂上訓教就真係奇喇....

雖然我都同意呢啲方法唔係乜野既治本方法. 但係要治本, 談何容易? 所以諗下計止下咳都係件好事, 起碼政府係看到問題嚴重性同叫做肯做下野嗎.

Source: http://hk.apple.nextmedia.com/template/ ... d=12998654

[beaniebean]

係呀, 汪汪好精伶架, 係好快既時間內就可以檢查到啲學生有無藏毒, 都可算係一個有效率既方法.

近日, 學生吸毒既新聞接二連三報導出來. 時代真係變得好快, 肥Bean慨嘆呢個社會點解會變成咁? 又好奇怪啲學生點解咁有錢可以去吸毒及去網吧消費? 朋輩既影響真係好大.

想當年, 當我還是一個學生既時候, 腦內只會為著一大堆功課及一浪接一浪既測驗而苦惱. 買習作及去補習社已要屋企人俾咗唔少錢, 仲邊會話要額外既錢去網吧消遣? 更何況吸毒呢?

宜家做人家長真係好艱難... 一來要識得管教, 二來仲要有$$$先至得(養大一個細路既錢好似比以前既年代多好多咁). 一個唔好彩既話, 啲子女受壞朋友既深入影響, 咁就好難將佢哋送返入正途.