長命百歲不是夢 當今出生嬰孩可活到22世紀

[beaniebean]

看完呢篇報導, 當今出生的BB可活到22世紀確實係有可能既事, 但好大可能只有那些有錢人的份兒.

唔好諗到咁遠先, 諗吓宜家吧! 不少年輕的人都被疾病帶走生命, 而且醫學研究需時, 加理呢個世界有咁多疾病, 咁多細菌不停變種... 當你未搞掂H5N1, 已出現H1N1, 世事係好難預料的.

我個人認為, 人不用那麼長命... 事關到時無人無物、朋友及親人都去哂、自己行動又不便要麻煩他人(如: 老人院職員, 醫院的護士等等)照顧、身體機能又委縮、看的東西又模糊、吃東西又吃不出鮮味來... 真係留係世上都係乜意思.

但如你的摯愛、親人及朋友尚在人間, 咁又唔同bor... 事關佢哋既關懷及愛, 可以令人有生存既意志.

Source: http://hk.news.yahoo.com/article/091002/8/ei30.html

[willy]

有很多人會希望自己會長命一些, 不竟怕死係人類既的天性. 我絕對相信隨著醫學科技的進步, 人類生命超過二百歲不是夢. 但可見的將來, 醫學增長生命還是主要是為比得起醫療開支的人而設的.

但人生在世, 不應拘泥於其時間之長短. 而在於其生存既意義. 當然這些意義是很個人的. 我想沒有太多人會願意生於人世, 但活像行屍走肉, 沒有明天. 常言道: "與其苟且偷生, 不如慷慨就義". 這句話現今社會可能不太合用, 但其意義尚存.

[beaniebean]

最高領導人講既嘢真係好有道理, 語重深長...

生存的意義對我來說, 是一個很複雜的問題. 最高領導人講得好啱, 呢樣嘢係好個人的. 不過有時問吓人哋既生存意義係乜, 可以啟發自己狹窄既思想空間是好事嚟.

老實說, 我無一個清晰既"生存意義", 只有一個很籠統的idea... 就係要活得開心...

咁至於點樣去活得開心, 我又無一個好清晰既action plan, 感覺好像日復日, 年復年, 自自然然做著同一樣東西, 過著無乜變化的生活. 或許人到了不同情況、不同階段, 令自己開心的東西會不斷變化.

講講吓唔知自己講緊乜 , 可能腦入面仲係有一大舊雲塞住咗響度.