為咗改善星運而被騙

[beaniebean]

今日看到呢篇新聞... 實在覺得呢個世界竟然有咁既事發生.

19歲受害人(o靚模)與55歲被告人(法師, 也是泥頭車司機)... 文中的報導都頗為嘔心, 所以也不post條link出嚟, 以免污染了呢樹.

真不明白被告所提出既轉運方法竟然會有人信, 呢啲咁離譜及極度有問題既要求又會有人肯接受.

錢被人騙了還可以再賺過, 但受害人被騙的東西卻無法補救... 似乎"改變星運"係佢心目中比任何東西還要重要.

呢個世界有啲年輕人... 其價值觀真係匪夷所思, 結果便墮入呢啲變態壞人既白痴陷阱內.

唉........ 希望呢篇新聞可以警惕那些瘋狂地發星夢既人, 能對一些事情好好分析, 唔好盲目地不顧一切去做.

那個圈子, 靚仔靚女大有人在, 斷估要有相當實力及努力先可以突圍而出, 單靠法師就可以轉運... 唔係嘛?

[willy]

警訊, 新聞, 報章都時有報導一些騙案. 但還有很多人都仍然中招. 為什麼呢? 大部份情況都不是他們蠢, 而是因為一個貪字. 貪婪是人性, 不可抺除, 所以騙徒就可有機可乘.

[beaniebean]

最高領導人真係很有智慧, 一語道破咗我成日都唔白既嘢... 係bor, 其實大部份受騙的人未必係蠢所致. 怪不得好多唔make sense既事情不斷發生. 因一個貪字, 很多唔合邏輯既騙局都有人上當.

今日又看到另一段新聞... 當事人看了呢單o靚模受騙既新聞, 覺得佢自己既情況有點相似, 所以報警. 呢位當事人只有20歲, 為咗驅魔, 所以中招; 而疑犯係一個63歲既阿伯, 無業且申請綜援, 已婚及有兒孫, 而其女友(47歲)則介紹當事人給疑犯去驅魔.

呢單又係另一非常嘔心既新聞, 疑犯窮心未盡色心又起, 仲要卑鄙地揾個女友做中間人設局去呃人, 而那個女友又肯做埋呢啲傷天害理既事, 真係唔知為乜. 那個疑犯究竟有乜好, 竟然有人肯做佢女友?

按一般邏輯去諗, 真不明當事人點解會信那個阿伯, 見到佢個look都調頭走喇, 但還.... 那個阿伯每月申領7000蚊綜援, 簡直係浪費咗納稅人既錢去養呢啲世紀賤男.

唉... 唔知香港地點解越來越多呢啲事發生? 無眼睇...

註: 由於呢單驅魔新聞又非常嘔心, 所以不post 條link出來, 費事污染了呢樹.

[willy]

貪, 唔一定和金錢掛鉤. 但凡比你現在擁有的要求更多, 就可以算是貪. 貪婪不一定負面, 因為它是推動人類進步的一大原動力. 不過我還是時常提醒自己, 要"知足常樂".

當然, 有時我也會有貪婪的時刻. 有一次, 去內地旅行, 因為貪方便, 就成了騙徒的對象.

[beaniebean]

看見呢單案件最近既進一步報導, 我更覺得最高導領人所講既嘢真係好有道理, 人被騙好多時係因貪念而致.

最高領導人既"知足常樂"態度真係值得學習, 怪不得佢成日都咁開心... 我要多多向佢學習, 但可惜我成日都唔記得而唉聲嘆氣... 肥bean, 你要緊記呀!

究竟那次最高領導人為何會成為騙徒的對象呢? 好耐人尋味.......