調查：港女人比男人快樂

[willy]

唔, 想要開心啲, 可以有兩個方法:
1) 變性做女人.
2) 唔好讀咁多書.

"【本報訊】港人越來越懂得自得其樂，經濟剛復蘇，但一項調查顯示，香港人已較去年快樂了，今年快樂指數達 70.6分，較去年的 69.3分高，主因經濟情況有改善，其中女性更較男性快樂。不過，調查也發現學歷越高的較不快樂，「佢哋嘅世界認為成功先係叻人，壓力太大。」..."

Source: http://hk.apple.nextmedia.com/template/ ... d=13500817

[beaniebean]

嘿嘿嘿...

1) 唔駛去變性咁激嘛? 按文中的數據來看, 女人比男人的快樂指數多2.3分啫. 唔, 所以只要啲男士加入少少既女性化元素咪得囉. 怪不得我在街上間唔中都會見啲乸乸哋又資整的男仕. 如像早幾日我搭巴士, 有一個乘客上車坐在我對面, 驟眼看似女人, 點知係個男人. 佢著住條legging, 一條裙褲, 帶了一個大的圈圈耳環, 畫了眉及眼線, 上身是一件有少少花碌碌既毛衣, 還戴了一條白色頸巾包住佢條頸(可能想掩飾佢係男仕的身分). 但事關佢個樣似終長得男相, 所以再看多兩三秒便知佢係男人嚟... 看見佢作為一個男仕都咁著緊佢既女性外表, 我都要加把勁... 嘿嘿嘿...

不過, 我都覺得男人一般都比女人的壓力大, 因為很多時佢哋都要顧面子, 未必會向人訴苦, 又唔肯喊吓 , 久而久之就會更加唔開心. 反之, 女人一火滾或唔開心就會揾啲事嚟做, 有的就狂shopping, 有的就狂食嘢, 有的就狂做運動, 有的就揾fd訴苦, 有的就大喊一場, 通常會揾啲嘢平衡吓.

2) 係呀, 我都覺得越讀得多書就越唔開心, 事關有壓力嘛. 除此之外, 讀咁多書來又用不著, 好像白費哂了心機及時間, 特別係宜家呢啲時世, 很多時都無用武之地. 但對於超級尖子(如: 高校長), 當然越讚研就越開心, 不過, 尖子實屬少數, 所以唔好讀咁多書通常會開心啲.

[willy]

阿bean, 你見到果個"好似女人既男人", 其實佢可能真係女人, 又或者己經做咗變性手術都唔定. 好似最近有個新聞, 婚姻註冊反對一個變性人結婚, 果個變性人話要告上法庭. 唔知最後點收科呢...

另外女性比男性快樂, 我覺除咗係減壓方式唔同外, 壓力既來源亦係一個問題. 縱然香港係一個標榜男女平等既地方, 但其實男女在社會扮演既角色仍有分別. 最簡單既例子就係 "男性有責任去保護女性"呢類揮之不去既傳統觀念. 另外社會對男事要"養妻活兒"的期望亦沒有減退. 此亦令很多男士增加不小壓力.

可幸的是隨著女性地位既提升, 現今大部分既女生都係經濟獨立. 佢地用自己既錢, 可以狂shopping, 狂食嘢, 重有狂扮靚. 無後顧之憂地成為高消費一群. 希望佢地唔好咁吝嗇, 可以既話就請下身邊果啲壓力又大, 又冇乜錢用既男性朋友食下飯, 分享一下佢地狂洗錢既喜悅感.

[beaniebean]

最高領導人確實係言之有理. 第二段所講既社會觀念都好難消除. 無計架喇, 唯有看開一點吧!...或者, 來個反傳統, 一於唔理三七二十一, 自己覺得舒服便OK.

嘿嘿, 最高領導人, 你大可放心. 99.9999%的機會你不是屬於那類"壓力大又無乜錢駛"的男仕... 再者, 你人緣一向好好, 你啲好朋友等住請你食飯都多到由南區排到去北區, 啲booking 一早full 哂, 可能要排到2012年先有檔期, 實在好難預約的.

註: 傳聞中的最高領導人經常請網友食lemon.

[simondog]

HK girl sure happy than Man la ...

but I don't like HK girl at all ... most lair

[beaniebean]

唔... 咁又未必喎.

HK girl ... most lair... 有無咁誇呀? 呢點我並不認同.

其實一個人係咪lair, 好睇佢個本質. 如佢憑良心做事的話, 就不會呃人.

其實好多男仕都吹水唔抺咀啦, 但咁又算唔算lair? 我都介定唔到.

那些吹水明顯地是開玩笑的, 應不算大話. 不過, 那些令人相信而傷害到人既吹水, 我估應算是大話吧.

不過, 很多呢類人都唔知自己hurt緊人, 仲覺得無問題. 唉, 實在無話可說.