居屋天價福建新移民締造平民住宅東旭苑呎價達六千

beaniebean · Postby **beaniebean** » Sat Feb 06, 2010 3:06 am

看見呢篇新聞, 更感慨嘆...

近呢一兩年, 香港的樓市真係升到無眼睇... 點解會升得咁勁? 從呢篇文章, 我諗好多人都心照係乜原因啲樓價升得咁勁...

希望啲有錢人手下留情唔好炒到個市好誇, 一陣出現啲資產泡沫, 人人都會受牽連.

好多人(小小的打工仔)都想揾個安樂窩可以有瓦遮頭, 但人工加幅綬慢及啲樓價俾人炒成咁既情況下, 呢個夢想可能變成妄想或一世子都達不成的遺願...

當小市民還在超市絲絲點點計算, 格吓價買乜平貨時, 人家已好豪咁一摘千金...

"【明報專訊】內地投資移民來港數目，自03年起屢創新高，他們不單頻掃豪宅，最近連普羅大眾的居屋市場，也見其蹤影；本報早前報道，筲箕灣居屋東旭苑一個單位於自由市場以489萬元、呎價5899元易手，成為97年11月以後香港最貴的「天價」居屋成交。本報最新發現註冊的新買家，原來是福建體育用品商——東方奧力的董事長蔡奕和，該公司向本報表示，蔡購入該單位作投資移民，而且還會再購買更多香港物業。...

據了解，蔡曾經於鯉景灣及杏花村等睇樓，但認為東旭苑樓齡較新，所以購入。其實以489萬元於同區絕對可以找到3房（連套房）的私樓，如鯉景灣10座怡坤閣6樓G室，面積751方呎，實用面積669方呎（較上述屋居大19呎），剛以490萬元成交，呎價6525元。本港歷史上最貴的居屋成交是於97年7月錄得，鰂魚涌康山花園3座30樓B室，面積717方呎，當時以560萬元成交，呎價7810元。..."

Source: http://hk.news.yahoo.com/article/100204/4/ggl3.html

Postby **willy** » Sat Feb 06, 2010 11:27 am

香港係一個很小的經濟體系, 而政府也支持高地價政策, 這樣理就不難明白為何樓市升多跌少, 樓房每創天價. 若大家有留意的話, 可以看到中國很多大城市, 都在走香港高地價這條路. 這無疑是令中國經濟飛升的其中一個原因. 其實中國和香港是有一些基本的分別. 第一, 中國的土地多的是, 第二則是中國的人均國民生產值和香港尚有一段距離; 這意味著樓房價的升温和人民的基本需求將會脫節. 樓房被視為炒賣商品而進一步加大社會的貧富懸殊, 做成社會矛盾及動盪.

多年前, 日本不是很富有嗎? 我還記得有人大言說過日本將會買起夏威夷所有的地. 但實情是東京都的樓房要供三代(50至70年); 日經指數由四萬點下跌至現今約一萬點; 曾經排列世界前十大銀行以內的幾間日本銀行都一厥不振. 日本從經濟高峰下滑以經快二十年了, 現在日本經濟還沒起色, 通縮的夢魘還是揮之不去.

世界十大銀行, 現今 (2009) 的排名是:

工商銀行、中國建設銀行及中國銀行三大國銀奪下第一、二、三名. 成績裴然, 是不爭的事實. 但世界的經濟巨輪是不停的轉動, 大家不妨靜心觀察, 細看一下這個經濟神話是怎樣延續下去.

beaniebean · Postby **beaniebean** » Sat Feb 06, 2010 12:37 pm

最高領導人真係好勁及有廣博的見識, 寫了一篇內容豐富內容及很好分析的文章. 我也明白咗好多.

例如: 中國很多大城市也行高地價政策...

例如: 有關日本經濟的事, 真係唔睇過呢篇文竟, 我都唔知原來情況係咁.

再加上那個十大銀行的今昔對照表, 除3大銀行已由國銀取代外, 我還從中看到以下幾點:

1) HSBC現今的市值竟然比10年前少154億美元. 照道理, 經過10年, 市值應增長唔少. 唔... 諗諗吓, 都係金融海潚而導致市值下滑. 2009年的HSBC股價應比1999年低.

2) 10年前的十大除咗HSBC及富國銀行仲可留得低外, 其他都被踼出十大. 真係好難想像下一個十年既境況會係點呢?

3) 10年前的第6至10名的銀行, 其市值也比現今的第6至10名多. 唔, 咁好可能全球銀行的市值都比10年少咗一大截.

文中一句"這意味著樓房價的升温和人民的基本需求將會脫節. 樓房被視為炒賣商品而進一步加大社會的貧富懸殊, 做成社會矛盾及動盪."... 作為一個小小的打工仔, 只希望呢生人無風無險, 得閒可以食個飽, 飲杯茶而已, 最好唔好有動盪要經歷.

97年金融風暴、03年沙士及08年金融海潚... 唔知算唔算是動盪呢?

WeWeWeb .NET