WeWeWeb .NET

唔知大家點睇呢?

我只覺得那筆過億啲公帑咁樣用法, 實在好替政府肉痛. 近期的恐怖事件, 一單又一單的發生, 好明顯資源不足. 再加上社會經濟不好, 情況可能會惡化, 越來越多人會患上那類型的病. 如今次的補選資源改用係呢方面, 可能會少啲人無辜慘死.

(星島)2010年5月17日 星期一 05:30
(星島日報報道)被視為變相公投的「五一六」五區補選投票率竟比預期還要低。投票率僅得17.1%，投票率之低破盡回歸以來的紀錄。民主派在○八年立法會 選舉共得八十九萬票，但今次全港投票人數僅得五十七萬多人，意味著公民黨 、社民連五名辭職議員連泛民「基本盤」亦保不住。原來港府內部早已密鑼緊鼓等補選結束後會隨即反客為主，展開新一輪的民意爭奪戰，將戰場重新回到政改方案上，而頭炮則是特首曾蔭權今到電台推銷政改方案。

Source: http://hk.news.yahoo.com/article/100516/3/i1hb.html

bean, 你既思維錯咗. 而家政府唔係冇錢, 就算有冇呢個補選政府都唔會增大資源去解決民生問題. 政府政策只會向商家傾斜. 到社會問題爆發咗出來, 那些高官才會出來說會關注問題, 過了一排, 事件過氣了又一切如常. 到下次又爆"獲"時, 又再走出來說關注問題, 周而復始.

你知是什麼原因嗎?

嘿嘿嘿, 你都話我個思維錯咗... 唔, 好明顯我對呢件事都係濛查查. 咁究竟係乜嘢原因呀?

我淨係覺得啲錢咁樣用法, 實在好無謂. 其實佢哋想反映佢哋既立場, 唔知有無啲慳錢啲既方法?

有冇謂不作評論, 因為呢個係你對錢既價值觀.

我指既思維錯誤, 係你"好替政府肉痛". 就好似一個有錢人, 佢有班人同佢打工, 而家班人話玩, 咁佢係要搵agent請過班人. 佢搵agent, 當然要洗錢. 不過最後佢又請番個班人, 因為agent話比佢地聽個市場呢班人係最合適佢, 別無他選. 係呢個情況你會唔會替呢個有錢人用咗既錢肉痛呢?

再將呢個例子延伸, 果個有錢人個門口條路有個洞, 啲行人行過都要小心個洞, 間鐘有啲人行過, 會整親. 當有人整親果時, 好多人都會係個門口話個有錢人唔啱, 要佢處理. 佢看到咁多人係佢門口嘈, 好"凡", 佢就會走出來拍晒心口會整好個洞, 叫啲路人好走路. 當啲人走咗之後佢又繼續做佢自己既野. 你話呢個有錢人, 係咪因為比咗agent錢就唔整個洞, 定係如果唔比agent錢就會整好個洞呢?

如果你為咗個小小既1億5千萬而為政府肉痛, 咁你真係唔係好掂, 因為你將會覺得周身既肉都好痛, 日日都咁痛, 食幾多止痛都唔掂.

最高領導人講咗呢個例子, 想唔明白都幾難.

下次我都係唔好講咁多, 費事俾思路清晰既最高領導人識穿我的思維有錯誤.

唔啱bor, 你反而要講多啲野呀, 這才是正確方向, 正確思維. "沈默是金"在論壇上是不大合適吧.

由此可見, 最高領導人係個好開明既人嚟. 嘿嘿, 佢無叫我少講癈話, 反而叫我講多啲, 先可發現自己既問題所在. 最高領導人, 我知道喇 ~

老實說, 我的思維都幾狹窄的, 有時會偏向一方面諗, 所以忽略咗好他其他嘢, 導致困在一個框框內.

希望日後最高領導人有時間的話, 如見到我的思維不正確, 就提點吓我啦. 唔該哂~