iBond新年利是 首派6.08厘

經濟, 金融
User avatar
willy
Knight-Captain 上尉騎士
Knight-Captain 上尉騎士
Posts: 1062
Joined: Sun Oct 19, 2003 12:38 pm
Contact:

iBond新年利是 首派6.08厘

Postby willy » Sat Feb 04, 2012 2:43 am

冇留意新新聞. 昨天終於收到第一期既ibond利息, 打開statement一看, 好開心呀. 有成6.08厘. 計一下, 夠我吃好多日既二十蚊下年茶餐, 早知買多啲咁咪政府請我食下午茶餐囉. 係呢度同大家重温舊資料, 因為上年ibond認購反應冷淡, 一人最多可以買刲四十多萬. 早知咁正就盡購喇.

高興之餘, 再從另一個角度看, 消費物價指數一年有6%升幅, 意味著我地重係係一個高通脹, 低利息的環境之中. 簡單說就是市民(特別是低下階層)生活日益困難, 個人資產(特別是中產人士)不斷地被蠶食. 慨嘆生活迫人, 頓覺無限之惆悵云云.

今年財爺再接再厲, 推出新一輪ibond. 估計今次ibond認購會比上次熱烈. 而且如果如財政司估計經濟環境轉差, 消費物價指數會回落, ibond收益會大幅減少, 保証利息為1厘. 所以今年只會認購回上年相同的份額而已.

近排股市回升了不少, 各國政府量化政策蠢蠢欲動. 不宜看淡, 有貨的就等升等收錢. 冇貨的可以追一點貨, 估計到三月前 (因為三月時會有歐債到期, 到時氣氛可能變差 ), 應有一點作為. 最慘既就係出咗貨賺咗少少既人, 雖然佢地同冇貨既人係一樣, 但心理質數就唔同. 無貨既見到個市係咁升, 冇自己份, 個心會好唔舒服, 好想加入市場, 分一杯羹. 但係出咗貨賺咗啲果啲, 入唔入市真係心大心細, 如果唔入市, 就只賺少少而已, 但如果再追又怕看錯市, 咁咪會倒蝕. 由賺變蝕, 相信會比一開始就蝕更難令人適應. 所以呢類人既錢, 最好用來買ibond, 肯定就一定係賺完再賺, 係咪錦上添花呢?

"【本報訊】以紓緩市民通脹壓力為號召的「通脹掛鈎政府債券」( iBond),金管局昨代政府公佈首次派發的半年度息率,按截至去年 11月的過去 6個月,綜合消費物價指數按年變動率計, iBond年息率以浮息計為 6.08厘;換言之,投資者持有每手債券 1萬元,半年獲派息約 304元。..."

Source: http://www1.hk.apple.nextmedia.com/temp ... d=15975582

"iBond加碼百億六月底推

(綜合報道)(星島日報報道)財政司司長曾俊華表明會再加碼推不多於一百億港元的通脹掛鈎債券「iBond」,以本地居民為發行對象,年期三年,每半年派息一次,利息與最近六個月的通脹掛鈎,預計六月底前會推出。東方匯理高級策略師張淑嫻預計,隨住通脹回落至百分之四以下,「iBond」的吸引力將較去年減低,加上銀行存款息率上升,而一些短期人民幣債券,亦有逾三厘的利息,跟「iBond」直接競爭,她估計今年巿場反應不會很熱烈。..."

Source: http://news.sina.com.hk/news/5/1/1/2565630/1.html

免責聲明 : 此文所載之內容僅為提供資料之用,並不構成提出銷售、徵求購買、邀約、建議或推薦閣下完成任何交易。本文亦屬作者之個人意見,其內容並不代表本網站之觀點。投資涉及風險,在某些情況下,投資者可能會損失全部投資。因此,如有需要,請徵詢獨立、合資格之法律、財務或其他專業顧問,以確保所作之決定,皆能符合閣下之個人或財務狀況。

beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Re: iBond新年利是 首派6.08厘

Postby beaniebean » Sat Feb 04, 2012 7:28 pm

看見最高領導人咁開心, 我都好替佢高興 :D . 因我沒有買到ibond, 總有些酸溜溜的感覺 :( , 慨嘆點解當初無買咁stupid??

好呀, 最高領導人可多吃下午茶, 食到肥肥白白就好喇 :D !! 嘿嘿, 不要太緊張, 這裡所指的"肥"只是體重去返標準而已. 太瘦會無咁靚仔呢! :lol: :lol: :lol:

見最高領導人係文章說"慨嘆生活迫人, 頓覺無限之惆悵云云"... 你份人咁樂天 :D , 唔好咁"惆悵"喎. 只要開心咪得囉, 我都好支持你架~~~

唔.... 咁呢幾個月要密切留意股市情況... 我已為咗無係60蚊買HSBC, 內心有點銀住銀住, 宜家先買又好似有點傻.

不過, 今次我要買些iBond先至得...

免責聲明 : 此文所載之內容僅為提供資料之用,並不構成提出銷售、徵求購買、邀約、建議或推薦閣下完成任何交易。本文亦屬作者之個人意見,其內容並不代表本網站之觀點。投資涉及風險,在某些情況下,投資者可能會損失全部投資。因此,如有需要,請徵詢獨立、合資格之法律、財務或其他專業顧問,以確保所作之決定,皆能符合閣下之個人或財務狀況。


Who is online

Users browsing this forum: No registered users and 1 guest