WeWeWeb .NET

2007年8月17日, 天晴, 但股市就刮起一場風暴...

0817係我人生中第一隻抽中既新股, 申請人有14.8萬名, 抽中1手既機會率係50%, 我竟然係其中一份子.

係咁既亂世, 佢有少少跌幅在所難免.

其實, 對於佢既跌幅, 我也沒有特別感覺, 咪等佢慢慢茁壯成長囉.

今日有朋友同我講, 佢話陸叔勸人唔好同股票談戀愛.

根據呢個金石良言, 我諗我要反醒一吓.

除0817外, 有一隻股票同我真係好有緣份(背後有原因), 始終唔忍心同佢分離.

結果, 佢係8月17日也受大圍影響.

算把啦... 我咪又再繼續好有耐性等佢康復囉.

不過, 等佢乖乖好番後, 我真係會同佢講bye-bye ...

又係嗰句 “世界是圓的”, 遲啲等佢既價位好既時候, 咪又再買佢番嚟重聚囉.

好多人都講 “有危就有機”, 唔知今次既風暴又係咪一個好荀既時機呢? 但無乜銀兩既我, 只能採取觀望態度.

方興地產（０８１７）? 做乜東東? 對於我唔太認識又冇乜過往業績的公司, 我係完全沒有興趣.

如看好大陸房地產, 我會考慮:

0882 天津發展控股有限公司
0813 世茂房地產控股有限公司

甚至香港的地產商, 如:
0001 長江實業(集團)有限公司

為什麼我會選它們? 大家都是做地產, 所以我會選一些我認為優質的股票.

我最愛和股票談戀愛, 有實力的股票, 只會越買越貴. 如 0857 中國石油天然氣股份有限公司, 長升長有, 為何? 因為石油越來越少....有個生活平凡的阿伯, 佢一生只會買 0005 匯豐控股有限公司, 佢死咗後開佢個保管箱, 你估有幾錢? (註: 佢可能都唔知自己有咁多錢, 因為佢生活一點也不富裕

Bean今日看翻這個舊post, 証明你真係好有眼光. 我在回文中提過的3隻地產股, 全都給這隻817比下去.

嘿嘿嘿... Willy, 你近排似乎轉咗行, 做咗股票分析專家喎.

我係$4.XX (接近$5)既時候已沽出呢隻股, 可說是賺了一點點.

但是手頭上也有些上年抽/買既新股不幸地潛落水底既深深處, 幾時先蒲番上水面就只有上天先會知. 好彩既話就幾年, 唔好彩既話可能要十年八載. 唉, 呢啲瘀嘢都係唔講咁多, 費事俾你笑. 經過加加減減之後, 其實都只係負數.

總結, Bean的眼光一向麻麻地, 只係一個有羊群心態, 且只會跟風又烚吓烚吓既小小小股民.

Willy, 相信你係股場打滾都有N年, 當年同今日既價位, 真係無得比較, 怪不得你經常笑口常開, 實在很戥你高興!