港交所(0388)每手買賣單位快將拆細

[beaniebean]

3月初時看到新聞說港交所會於4月7日起, 由現時的500股拆細至100股，有利交投及擴闊股東基礎.

港交所於07年的業績, 確是相當之勁. 今年20/3曾跌至每股$116.4, 但上週五(28/3)又升至$137.7. 不知到7/4時會是什麼境況?

往時每股二百多元, 只能遠望, 絶對不能沾手. 現時跌至每股百多元, 確是很吸引的價錢, 但每手500股也非一個Small Potato(= Bean)所能輕易負擔的金額.

希望7/4時的價位能維持一個合理水平, 否則, 我可能仍是猶豫不決而錯失良機.

不知0388的價位何時才算是開心價呢?

[willy]

港交所, 現今的市盈率23.80, 息率約3.77 %, 算是不錯的股票, 但因上一年牛氣沖天, 平均每日成交金額有881 億元 (2006為339 億元), 但我想今年的環境不會比昨年的好很多, 主耍是因為經濟問題和看不到有很大的企業來港上市. 但長遠來說此股的表現應是良好的. 因為香港始終是中國企業走向國際的一個台階. 記得早前有財經員說其股價會升上500元, 我聽了也接受他的看法, 只是不知何時何日才會發生吧了.

港交所的歷史高位是$268.6, 和上星期五的$137.8的價位還有一段距離, 現價可算是相當吸引. 但如果因擔心資金有限而要安全一點, 我高當港交所的PE跌至20(約$115, $116.4是近來底價, 但有很大的支持) 樓下才出手吧. 當然$115的水平建基於你相信股市還在尋底, 還有下跌空間. 這等如我看匯豐跌破$100, 可能只是鏡中花, 水中月...

其實$137.8 和 $115 只有 17% 的差異, 若你真的認為這隻股是有實力, 而當這隻股真的如你所想般, 可以升到一個合理價位從而反映其實力, 那時你再回想過來, $137.8 和 $115 基本是沒有分別的.

註: 港交所有大量蟹貨, 短期內會嚴重影響其上升動力.

[beaniebean]

今日是7/4, 收市價已升到$152.3, 與20/3相比, 已相差$35.9. 實在大感無癮, 還是看定一點再作決定.

機會是不等人... 買股票有如人生一樣, 機會錯過咗就可能要等好耐才有下一次, 亦可能永遠也不會有第二次.

Willy, 你認為嚟緊個趨勢會係點呢?

[willy]

13x 不買, 看不到 15x 你會買吧. 一於忍忍忍! 哈. 看勢388還有得升, 不過水位有限. 例如16x 是這浪的高位 (只是吹水, 不要認真, 我不會估價, 否則發咗), 你會博嗎?

我想現在是小陽春, 不可能維持太長吧!

[beaniebean]

我份人都幾忍得... 按你既建議, 我就忍忍吧. 反正, 柳暗花明又一村, 吃不到的葡萄未必是甜的.

近日. 我開著了另一個火頭, 就是有位在美國的朋友教我利用圖表作出分析. 佢是自己研究的, 並介紹我用一個software做分析. 我只是剛剛開始, 沒有時間真正去摸熟啲function, 現時只明白了很初步的東西.

因時差關係, 每次只能溝通一點點. 預計要經過一段長時間才可掌握多一點點,

Anyway, 接觸多一樣新事物係件好事, 事關Bean係一個八掛既人.

或許, 到時我明白多咗既話, 再向你這位股壇前輩請教.

事關我費事問埋啲白痴問題, 你都無咁多氣答我.

[willy]

阿bean, 好彩你沒有在$15x急於入貨, 否則$16x不出貨的話又會做了肥蟹. 現在港交所跌至$10x水平, PE只有18, 看似很吸引, 你會買嗎? 你之前問什麼是開心價, 我答不到你, 因為每一個人的開心定義是不同的, 而就算個人的開心定義也會因時間和環境所改變. 但請看一下世界的經濟氣候是不太好, 香港股市又怎可獨善其身呢? 所以我看港交所還會尋底, 當然我還是不會估底的, 自問沒這個本事. 如你對港交所有信心, 而有多餘錢, 可以分批入貨, 先少後多. 但如果你只有些少錢但又想買, 那我建議你還是留著用, 因為今年港股不濟, 港交所的盈利會被蠶食, 到時股價可能進一步被推低. 我看$100應快守不著.

我個人長遠是看好此股, 因為我相信港股長遠是會穩步向上的.

[beaniebean]

Willy, 你既預知能力真係愈來愈勁...

有件事話你知, 我係約兩星期前以$110入了...當然我無乜$$$, 只是買了一手而已. 我當時可能無考慮得太清楚, 諗住低過$113便算鬼數. 看來今舖不知是否又係一個錯誤的決定? 近排佢大上大落, 經常係$10x中徘徊, 今日收市係$108.

親愛既388, 請你努力加油, 唔好潛得咁勁, 否則, 肥bean只能變為肥蟹. Oh, no !!!

不過, Willy你既意見一向都好好的, 近期3個msg都圖文並茂, 咁樣啲讀者就可以更容易明白. Thanks 呀.