抗通脹... 有何對策?

[beaniebean]

今日在Yahoo看到一則新聞, 話說市民要抗通脹, 直接由批發商入貨.

老實說, 我肥Bean自投身社會工作以來, 今舖係最感受到物價急升既壓力. 在我這一行, 唔多唔少都接觸到一些物價資料, 其升幅真令人咋舌同冒汗... 宜家真係生意難做. 所以, 奉勸大家在外出用膳時, 請珍惜食物, 食幾多就點幾多, 因為所浪費既錢係來自自己既荷包.

近數個月, 股市同基金既表現很強差人意(低處未見低), 而且通脹情況又愈來愈嚴重. 老天爺又經常係返工時間落大雨, 搞到隻腳濕哂.

我最愛吃那個牌子的午餐肉, 有一段時間消失了踪影. 早幾日看報紙, 先知道斷咗貨好耐, 聽聞是內地豬隻不足同早前雪災延誤貨物落港而致, 好似就嚟缺糧咁.

很多"灰灰地"既事... 好像都在同一時間發生....

真係好難有好既mood, 所以近排都係沉默啲襯吓呢個景況. (不過, 外面總是有大把人瘋狂購物, 且食肆也經常爆滿, 商場也人頭湧湧.)

不知有否抗通脹既高見呢?

P.S. 哈! Willy, 相信你係不受影響的一群, 真係好囉!

[willy]

通脹是宏觀經濟的一個議題, 我們小市民所能做到的是非常有限, 還是等港府及中央的經濟動動腦筋吧.

阿bean你所擔心的應是物價飛升, 蠶食你辛辛苦苦儲起來的積蓄吧. 要今你的身家不至貶值, 以下是一些或者可行的方法:

1) 買入生活商品以保值. 例如好似早前的阿叔大嬸一樣去超市買米. 不過留意這個方法有些缺點, 就是生活商品都有保質期及要納倉租.

2) 為了解決保質期問題, 看不準可能要長線特有, 可以買黃金. 記得要買實金, 而不是倫敦金等炒賣工具, 否則一個不小可能老本也輸掉了. 附圖為黃金十年價格, 留意其價格只在近五年才開始上揚.

3) 如考慮外幣可以看一下澳元, 因為澳洲有很多商品出口, 間接也支持了澳元匯價. 其實很多外幣對美元都升了不少, 這反映了美元積弱. 買外幣比買黃金好, 因為差極也有息收.

4) 買資源股如石油, 礦材股. 理論上地球資源越用越少, 它們的生產價值就越來越高, 但這只限於理論. 實際上投資資源股的風險是相當之高. 由於篇幅有限, 有時間才談論這個話題吧.

其實還有很多方法去減少資產貶值或企業因高通脹而引至高成本問題, 但我不是這方面的專家, 所以不會無止境的談論下去. 不過高通脹對世界經濟是有害無益, 所以各國政府都會想辦法, 不用擔心.

最後這個主篇會移至政經版, 因為此話題是非常之經濟.

[beaniebean]

Willy, 看完你篇msg, 其中有一句"各國政府會想辦法", 我看後少了點擔心.

你講既4個方案, 對我來說:

1) 買生活商品: 哈哈, 我真有咁諗過. 有時係lunch hour睇報紙, 見到廣告話啲米減價, 嗰心都好想買幾包番屋企儲. 不過, 當我呢位Bean大嬸放工去超市看看既時候, 啲特價米已被其他阿叔大嬸搶購一空. 唉, 啲荀嘢一向唔輸到我有份, 因為行動太慢.

2) 買金; 想買, 但no money no talk

3) 買外幣: 想買, 但no money no talk

4) 買資源股: 近期對股市已有點驚恐, 暫時不敢亂嚟

你話小市民能做到的是非常有限, 咁我就一於唔諗咁多, 繼續飯照食, 覺照睡, 煩少一點lu.

嘿嘿, 真想搵你飲杯茶食個包, 討論吓市況.... (其實, 我不是一個大理會時事的人, 只係想八吓你上次嗰個好nice既假期有啲乜嘢有趣同好玩既事啫. )