Page 1 of 1

做個快樂投資人

Posted: Tue Sep 16, 2008 11:04 am
by willy
過了一個休閒的中秋節後, 今天一起床, OH MY GOD! 因雷曼兄弟面臨破產, 恆生指數裂口下跌12xx點. (如果不是有中秋假期, 分開兩日跌, 感覺上應會好過一點).

因為有事, 今天再寫, 恆指又跌6xx點收市. 現在美國股市因經濟數據超差, 人心虛怯, 道指正大跌25x點中(最高曾試過35x點). 繼雷曼事件後, 又有AIG事件, 縱使美國政府今次又再一擇千億打救AIG. 不過個人覺的美國政府果d所謂金融專家好廢, 只會胡亂使用公帑去打救私人企業. 其實樣做法根本是扭曲金融市場, 是治標不治本的方法. 首先, 美國這許多大企業面臨資金短缺問題, 主要是美國經過多年的低成本借款, 以支持資產市場的升值. 現在市況逆轉, 資產質素變壞, 融資渠道收緊, 企業難於找到新資金補鑊, 最壞情況是拖垮整個企業而走向破產之路. 這個問題不只限於個別企業, 因為資金與資產是分不開的, 一環緊扣一環, 無論大企業或小企業甚至私人都會有機會牽連其中. 美國政府的救市資金, 相對於資產市場的委縮, 只不過是杯水車薪吧了 (可能可短期內維持市場的信心). 再者, 美國的財政年年赤字, 國庫空虛, 怎來這麼多金錢救市呢? (美國係唔需要儲備就可以印銀紙, 因為美元係 "IN GOD WE TRUST"!!!)

吹了這麼多水, 還沒說到主題: 怎樣才可以做個快樂的投資人呢? 就用MPF做個例子吧. 上年年尾股票大旺, 有朋友對我說: "真慘, 我的MPF是保本的, 人地果dMPF有成十幾二十個巴仙升幅, 而我的只有一個多巴仙升幅, 差點還比存銀行收息少, 真慘!". 現在股市低迷, 又有朋友和我說: "真慘, 我的MPF是高風險的, 人地MPF有一個多巴仙賺, 重好過存銀行, 而我的則損了十幾個巴仙, 今年供款不但全軍覆沒, 結餘金額比上年還少, 真慘!" 無論股市升還是跌, 總有人叫慘, 究竟問題出在哪呢? 每個人都希望一生快樂的渡過, 但現實我們都很易向壞的一方面去想. 現在, 我就教大家一個令自己可以做一個快樂的投資人的方法.

再用MPF為例子, 只要我們買一半保本基金, 一半增長基金, 哪無論股市向上或向下, 我們都會覺得很高興. 為什麼呢? 自己想一下吧, 不明的可以再問我, 不過要請我飲茶.

Re: 做個快樂投資人

Posted: Thu Sep 18, 2008 12:33 am
by beaniebean
“金融大海嘯, 火燒連環船” 這句是我在一篇報紙文章上看到的. 意思很貼切, 且又很震撼, 心裡有點心寒.

自我畢業以來, 社會不景氣的現象一直未停過, 每隔幾年就有大禍事件發生. 本來諗住由06年開始, 情況會不斷改善, 怎知 “好景不常” 這句說話竟然100%全中.

還記得沙士當年, 公司的高層在會議上曾說過一句說話, 到現在我還念念不忘. 他說 “宜家擲個波落街, 都會擲中七、八個有MBA學位既人.”唉, “人浮於事”.............. 無奈又無奈.

老實說, 近期我與一些朋友及同事閒談時, 得悉現時市況並不好. 不少大公司嚴控Head count, 請人(就算是低職位)也只有合約制. 另一些公司則要把人手重組, 如員工不接受的話, 則唯有say good bye; 另也有公司強迫員工減薪...

斷估今次事件將會是個連鎖反應, 社會前景又再回復幾年前一樣, 灰濛濛一片. 無眼睇!!! 唯有工照做, 消費就盡量減低, 且要作審慎的投資.

每十年一次的金融大風暴, 就好像一個咀咒. 每當股市從死蔭幽谷上番去一個樂觀的情況時, 往往就出其不意, 跌到攤攤腰, 讓一些人永不超生.

上年因某個原因, 原本我在AIA的MPF被迫全數過哂去HSBC. 今年9月初時收到HSBC寄來1/7/07 – 30/6/08的權益報表, 看後心裡都沉下去. 嘩, 蝕咗成 X 萬多元, 即過去一年的供款不但全軍覆沒, 且現時的結餘金額比上年還少了 Y 萬元, 真是說不出話來. 相信今日的結餘金額會更慘不忍睹.

至於其他既投資... 唉, 都係唔好提起傷心事(係傷透心嗰隻). 現在可做的事, 就只有一個字.... "等". 人生究竟有幾多個十年可以等呢?

Willy, 你幾時先會完成你篇文章呢? 好讓一眾心情不大好的投資者(包括肥Bean)諗諗如何做一個快樂投資人.

Re: 做個快樂投資人

Posted: Sun Sep 21, 2008 4:50 pm
by beaniebean
Willy真係好似個高人, 非常簡潔地講咗個方法, 絶對係字字千金. 怪不得佢成日都咁快樂.

由於太精簡, 我主要收到2個訊息:
1) 在現實中, 人們總喜歡往壞方向諗, 但事實又未必如此, 所以要改變一吓mindset, 唔好成日咁易苦dell dell.
2) 投資要穩陣, 一半保本, 一半進取. 當有大鑊嘢出現時都總有一半在手, 未致於全軍覆沒而陷於萬劫不復中.

還有好多問題想向高人請教....

嘿嘿~~~ 其實weweweb好多人都成日邀請高人去飲茶、BBQ、唱K、打MJ、打波..... 不過, 話明Willy係"高人", 佢又點會咁容易蒲頭呢. 就算有"三顧草蘆"既誠意, 都好難打動到佢.

昨日有位HSBC既高層接受訪問, 佢話宜家既金融風暴就好像打緊10號風球, 所以勸告大家不要走去海灘滑浪. 小心!!!

Re: 做個快樂投資人

Posted: Tue Sep 30, 2008 10:31 pm
by simondog
Hi, all,
Investment?
I lost 600k ... how to win back?
When I saw investment, I was petrified!!! no touch anymore

B. RGDS
SIMON

Re: 做個快樂投資人

Posted: Wed Oct 01, 2008 12:25 am
by beaniebean
Dog... 你既問題非常難答.

係呢個時世, 都係睇定啲先至作出決定. 唔沾手就肯定唔會蝕.

你有所不知, 我哋既Weweweb最高領導人對投資好有研究. 當你見到佢時, 就記住扯住佢唔放, 盡情發問, 你一定會獲益良多.

Re: 做個快樂投資人

Posted: Wed Oct 01, 2008 12:55 am
by willy
dog, 你冇咗60萬, 真係好慘, 是不是買了雷曼的迷你基金呢? 不過我相信你有很大機會是對於投資和投機的分別不是太認識吧. 有機會大家可分享一下心得.

你失去了60萬, 請不要用"win back"請個詞語. 因這意味你用賭博的心態看投資, 所以還是持形保態算了.

從另一個角度去看, 你曾經賺過60萬, 已經是十分了不起了. 我們初來到這個世界, 是什麼也沒有的. 至離開這個世界, 也不能帶走什麼. 人生的起落, 也只是過眼雲煙, 如果你能多些回味你歡樂的時刻, 而對於失落的時刻也能欣然接受, 我可以說, 你擁有一個快樂的人生. 當你已是一個快樂人後, 要做個快樂投資人我想是不會太困難吧!