2009 淡友第一彈

經濟, 金融
User avatar
willy
Knight-Captain 上尉騎士
Knight-Captain 上尉騎士
Posts: 1062
Joined: Sun Oct 19, 2003 12:38 pm
Contact:

2009 淡友第一彈

Postby willy » Thu Jan 08, 2009 4:24 pm

恒生指數由2008-10-27之最低收市價11,015.84點起, 在這幾個月穩定回升至2009-01-05的15,563.31點. 升幅有4,500餘點 (約40%). 好友可算是盡領風流. 如能把握這次反彈的時機, 肯定又大賺一筆. 以下是幾隻股票的價位在這個回升浪的變動:

股票, 2008-10-27, 2009-1-5, 變動率
005 匯豐, 75.00, 77.50*,+3.33%
941 中移動, 53.80, 84.70*,+57.4%
388 港交所, 62.00, 84.00*,+35.5%

可恨我的愛股實在太弱了, 人升佢唔升. 買咗佢真係唔駛日日睇住個股價, 絕對係適合視力唔好的人士. (剛好筆者最近患上眼疾, 真是名副其實的'冇眼睇).

前天, 是今年來首日的下跌, 至今日再跌571點, 算是淡友的一個反擊. 身為淡友一份子的我終於又有機會出來講下嘢. 我是絕對看淡後市的, 這幾個月的升浪只可看成反彈. 不竟大市已經跌了很多, 沒可能不停的向下跌. 而這幾個月各國政府都高調救市. 美國政府都用了二萬多億美元救市, 又把利率降至接近零. 而阿爺都不甘後人用了4萬億人民幣去刺激經濟, 又頻頻出口術. 雖然在短期內是看不到他們對世界經濟有多少幫助, 所可以肯定短期內對心理及企業的資金流有幫助. 對股市是利好的. 但股市長遠的走勢, 還得看經濟. 看一下最近的消息, 大部分都是利淡的:

- 以色列入侵加沙
- 俄羅斯烏克蘭天然氣爭議
- 內銀股東批股潮, 美銀賣建行套220億, 李嘉誠沽中行
- 國泰對燃油勁蝕76億
- 3G發牌首日中移即搶客, 三強大廝殺揭序幕 (3G出台, 其實不是好消息, 看一下和黃的3G就是好例子)
- 聯想可能面臨重大虧損, 裁員約2500人
- 美國12月私人就業人數驟減69.3萬人,遠高於預期
- 英特爾發盈警, 市場預期公司業績續有更多壞消息
- etc., etc.

所以好友請不要太樂歡和貪婪, 還是適可而止好了. 再過二個多月, 又是各上市公司交成績表的時間了. 估計其中大部分的都會盈利大倒退, 甚至出現虧損. (假如我是管理層, 肯定會將爛數入晒係今年, 因為有得賴經濟差, 到出年又可做好番盤數, 話自己有管理才能). 由此可見, 股市上半年時向繼續下走. 至於底位, 和之前說法一樣, 估不到. 不過之前的11,015可視為一個強而有力的支持位(有人說已是底位). 如沒有太大的壞消息 (如某某大企業破產), 不可能會有大突破, 但因經濟不成氣候, 消耗性下跌是無可避免的.

談一下近期的投資策略, 有股的可先行沽出獲利 (還是先收錢吧). 有現金的還是忍一下手吧, 找一下短期的定期存款收一下息. 等公司業績期時再度出擊. 至於我隻愛股, 還是一句, 候低吸納, 不用怕他會盈利倒退, 減少派息, 要求供股, 甚至股價節節下跌 (大前提是他不會倒閉就可以了). 因為我相信, 二到三年後, 匯豐的派息又回復正常時, 以現今的股價計, 派息率會遠超十厘, 十分合適我們這些退休人士持有. 此外, 還建議大家買入小量實金 (金幣之類而不是飾金金), 因為美國政府大量發行美元, 其購買力必會被削弱, 金融風暴, 各國亦肯定減少購入美元國債, 為加強國庫儲備, 購入黃金是一個不錯的選擇 (留意儲備是用實金, 不是紙金或期金). 昨日有報導說有人估計今年金價會升至1,200美元一盎司 (信不信由你), 現在是金價是八百多元. 為什麼要買金幣而不是紙黃金呢? 首先, 好似雷曼咁, 出紙黃金間公司接咗你就乜都冇晒. 但如你手頭有幾個金幣, 就算金價升唔起, 你得閒果時, 都可以攞出來睇下, 數下, 玩下, 感覺上應不錯吧.

beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Re: 2009 淡友第一彈

Postby beaniebean » Fri Jan 09, 2009 11:25 pm

嘩.... 最高領導人患了眼疾... 大鑊喇 ~~~~ :shock:

不過, 呢篇文章有咁多字, 且由此文中可看到最高領導人近期睇咗好多新聞, 所以推斷最高領導人所患既眼疾係輕度問題.

不過, 最高領導人還是要好好休息, 盡量閉目養神. 唔好用咁多眼力, 暫時遠離怪獸, 切忌操勞.... 否則係寫程式時, 一個唔留神可能俾啲bug屎乘虛而入.

原本呢篇文章主題係淡友講股, 但最高領導人患了眼疾一事, 反成了重點...

哈哈, 最高領導人手持了不少實金, 一個個放在夾萬內, 得閒拎出來欣賞, 可謂不亦樂乎!!! 但請最高領導人不要看得太多及太耐, 因為啲金幣好閃令令, 對有眼疾的眼精不好.

祝最高領導人的眼睛早日康復, 快啲回復精伶閃亮 ~~~~ :mrgreen:


Who is online

Users browsing this forum: No registered users and 1 guest