WeWeWeb .NET

$33 ... afraid?

阿狗, $33 係好價, 唔駛怕!

嘩, 呢個價位已極具吸引力... 真係心郁郁!!!

Willy, 你曾建議等過咗除權日後才買會簡單啲. 宜家股價已跌至$33, 請問是否仍是等到除權日後才買會好啲呢?

最好唔好在除權日前買, 因為好痳煩, 而你間銀行可能會收你多一次手續費/存倉費.

阿bean你要入匯豐, 要有心理準備佢會低迷好一段時間. 不過短期內係應該唔會落破28元. 因為今次係包銷, 28元下, 包銷商要接貨, 所以大行最差只是估28元. 不過長遠來說還要看美國經濟, 而匯豐還有約5千5百億資產在美國. 但你又唔需要看得太灰, 因為佢既資產質素比很多美國銀行來說都好好多. 例如匯豐同Citi的CDS指標分別為1xx及5xx. (CDS為credit default swap, 指數越高表示資產質素越差).

當然, 我還是建議你做局外人. 第一, 我們不知何時經濟才有起色. 第二, 就是從匯豐年報裡, 有著一些隱憂. 第三, 股票市場千變萬化, 現今水平好可能是低處未算低, 你買了股價繼續下跌, 心裡會不好受. 第四, 如果你要這個時間買股票, 理應考慮一些對經濟比較不敏感的股票. etc.

其實我是看好匯豐長遠發展的, 但現今經濟(特別係美國)情況真係好差, 匯豐係冇可能獨善其身的. 而匯豐其實管理真係好好, 唔怕貨比貨, 你看一下Citi同BOA, 佢冇政府打救佢地, 就已經接咗喇. 所以我還是會身體力行去支持匯豐, 哈哈.

匯控年報完全版: http://www.hsbc.com/1/PA_1_1_S5/content ... 08ara0.pdf

啊... Willy, 好多謝你以上極之詳細既分析. 係呢段文章, 我又學到一個term(CDS)... 請問HK有什麼股票的CDS係低過100呢?

按你建議, 我會堅決留待除權日之後, 再睇定啲個市況先再作出決定. 我有時都諗, 我想買HSBC既股票都係有啲情意結既因素在內. 以前咁貴就買唔起, 宜家平咗咁多, 始終心郁郁想買至少1手. 如果不是其他投資頗為失利而要做瘦蟹, 我可能會把那舊錢(閘死咗既錢)的大部份用來買HSBC, 諗起呢個白日夢(幻想)都好開心...

就算明知其他股票(港鐵, 中電, ... 等等)會穩陣啲, 但都好喜歡HSBC....

情意結呢家嘢, 好難用理性去分析.... 哈哈~~

CDS 唔係什麼股票都有呀. 通常係d財金公司(即錢行同保險)手上有loan, 佢地怕有風險而找買家將風險轉移, 而買家就因為要丞擔風險而收到premium. 如果CDS的permium越高既表示其風險越大.

據一則3月9日的新聞, CITI的CDS最新市價已升至605bps(上星期五是575bps), 即Citi一要比出60.5萬一年的premium去保障1千萬的loan五年.

阿bean, 你對匯豐有一份情意結, 我好明白. 其實我係好贊成你買匯豐 (因為如果匯豐都唔掂, 其他股票基本都係冇運行), 不過我既建意只係將買匯豐既時間延遲一下而已. 正如我講過, 匯豐係弱勢, 唔會短期內升番上去 (反彈就會), 所以唔會怕miss咗個低價(不是底價). 我估而家冇人可以講到個經濟會變到幾差或何時才會好轉, 所以最好是持盈保泰, 做一個有耐性的投資者.

Willy, 你寶貴既意見, 我已收到哂lu~~

"最好是持盈保泰, 做一個有耐性的投資者."...... 已是我在投資方面的金句, 希望能時時記起, 唔好因一時心急而遺忘.

由於個腦已好實, 轉唔到, 所以呢句"Citi一要比出60.5萬一年的premium去保障1千萬的loan五年"... 不是太明白.

Citi要比出60.5萬一年的premium去保障1千萬的loan五年． 就好似你買意外買保險咁，你一年要比保費60.5萬, 連續比五年, 係呢五年內你有乜頭暈身興(touch wood), 保險公司就賠番1千萬比你.

End 2009
HSBC: 20-25 .... don't worry

阿dog你之前出過個post:

"散戶長城" 救不了匯控 倫敦再見52元
"Wait Simon" 救匯控 end 2009 見100元
Here below is the timeline

May - $45, Simon invest on 1st hand of hsbc
June - $48
July - $50, Simon invest on 2nd hand of hsbc
Aug - $65
Sept - $75
Oct - $70
Nov - $88
Dec - $100

你而家又話年尾得20-25. 我想問一下你係用乜方法去估匯控個價? (重係估得好精準果隻)

言者無心, 聽者有意..............說話及做事都要負責一點, 一點, 一點點

威威叻講嘢一向都咁精簡, 但又語重心長... 希望你講既"言者"(希望那人不是肥Bean)能夠明白.

啊, Willy, 經你再解釋後, 我終於明白了那句的意思. 嘩, Citi即是要在5年內付302.5萬保費才可保障1000萬的loan, 都好"甘"呀!!! 俾咁多保費, Citi到頭來唔知會係賺定蝕? 呢盤數真係好難計.

係呀, 不過Citi-Bank係個loan度會收到息, 如果個息大過6.05厘, 佢咪可以白逗個息差囉.

哦... 原來係咁.

肥Bean真是孤陋寡聞, 諗唔到原來銀行借錢俾人要為個loan買保險.

真係好, 我又知多咗啲嘢. 所以多點向最高領導人發問, 必定會獲益良多. 哈~

晚上看電視報導, 得悉HSBC的2009年第一季派息為每手港幣$240.

今日股價己去到$57.95, 而HSI也升至16,430, 真係勢估唔到. 咁又係, 如一早估到, 我已經去咗嘆世界.

請問最高領導人點睇未來既走勢呢?

宜家HSBC去到呢個價位, 肥Bean確實已無心機入貨. 係呢個時候, 許冠傑有一首歌既歌詞好應景... "命裡有時終需有, 命裡無時莫強求"....

另外, 大家也會戥最高領導人高興, 因佢又收息喇.

1手... 收$240
10手... 收$2,400
20手... 收$4,800
30手... 收$7,200
40手... 收$9,600
50手... 收$12,000
...
...
...

嘩嘩, 真係好...