WeWeWeb .NET

我今日看了都市日報(2009年5月8日)2篇有關股市既專欄, 由於都市日報既網站係用php, 所以沒有文章相關的網址連結, 我唯有把整篇文章都轉截下來. 如各位有興趣看原裝文章, 請自行到都市日報網站, 並去5月8日的"財富"版面再揀個別專欄來看.

黃偉康：升勢將盡 或下試12,500
對於港股升近「牛熊分界線」，敦沛證券董事總經理黃偉康認為，雖然恒指表現仍勇，但觀乎大市自3月中至今，升幅已高達50%，升勢將難以維持，預計兩至三個月內會出現較大調整，最壞情況可見12,500 點至13,000點。
黃偉康又表示，近日港股的升勢，主要是由大戶挾淡倉主導，而熊證的街貨已由本周初的逾50億份，回落至昨天中午的33億份，相信挾倉活動已經成功。由於今晚美國政府會公布銀行壓力測試結果，相信美國銀行業需集資合共約800億美元，預料集資活動將抽緊資金，令大市下跌。
他續稱，雖然市場傳出有二千億元資金流入本港，但不代表所有資金都投入股市，而且內地下周公布的經濟數據，可能會令市場樂觀情緒稍降溫，令A股出現回吐。他相信港股今輪回吐，不會出現去年10月的10,676點低位，而隨着年底經濟有機會復甦，大市可升至比現時高的位置。

羅家聰 一名經人：差不多了
本欄篇幅有限，今次附圖一幀，相信不說自明。今年3、4月的升市，以斜率計，與炒錯消息(直通車)的前年8至10月一樣。至於過去一星期的升市斜率，則與前年升穿三萬點的一星期相同。這個訊息，應已清楚 不過了。(逢周五見報)
羅家聰
交通銀行資金部
Lawkachung@gmail.com

由於第二篇文章在報紙有幅圖(該圖很清楚地顯示需留意的升市斜率部份), 但網上的版本無該幅圖, 所以我唯有用yahoo既圖給大家參考, 但大家唯有靠上述文章而留意相關的升市斜率.



按以上2篇文章, 再加埋最高領導人話我仲有機會係低位入貨, 咁我就唯有繼續密切留意.

阿Bean你又精靈咗, 懂得貼圖. 而家呢個係資金市, 佢令股市爆升, 同經濟係冇乜大關係. 而佢幾時升完, 升幾多都冇人會知, 因為要問番果啲資金擁有人才知. 不過我地係呢個時世, 可以做既就係順勢怎出投資 (好倉). 但是如果你打算買股作長線投資, 現階段不是一個好時機. 相對公司賺錢能力(今年)與股價, 其實股票是開始變得貴. 如經濟數據未如理想, 熱錢流走, 大市的調整可以是非常之驚人. 我個人看會下調至13,000點許. 不要要求太底, 因為股票個勢我還是認同會拾級而上.

其實我比較有興趣知到啲熱銀是哪裡來. 短短一個星期, 流入香港的資金以有2000億元. 而且調動資金等人士好像是有個一致性. 絕對不是普通基金經理可以做得到. 我估計是各國政府放鬆銀根, 令銀行有錢加大信貸給予某些投資者有關.

還有一點要留意, 有些公司會在這些爆升時間會向市場集資. 這類行為都會成為股市上升的阻力.

嘿嘿嘿... 多啲跟你學嘢, 人都會精靈好多.

我也覺得奇怪... 為何股市不斷係咁升, 但裁員既聲音仍響不絶耳(如: 最近傳HSBC又裁員). 我有一個朋友(佢公司都算是某行業既頭三大之一), 佢話公司內部有個傳聞....話會要求員工每週放0.5日, 並減薪10%. 由此反映, 其實啲公司高層仍憂慮經濟環境會惡化, 所以不斷諗計去節省開支.

所以, 如今年無被裁走且無減人工, 都總算幸運. 如有人工加的話, 咁就要慶祝一番去推動經濟.

唉.... 一直以來都等緊HSBC的價位幾時會回落, 但越等就越唔想等... 事關個價位企硬係$80以上已有一段時間. 番查近半年的走勢, 內心只能無限慨嘆...... 由$4X至現今$8X的差額, 如在$8X買後好可能要等十年八載所收的股息至可填補那個數, 那時人已死咗都未定...

9/4 - 突破$50
5/5 - 突破$60
20/7 - 突破$70
4/8 - 突破$80

似乎9月或10月可能會突破$90...

無心機...

哈, bean, 看來你真係好想買匯豐wor. 咁你咪買一手放入夾萬囉, 當係了咗你個心願. 反正你都係收息吧, 匯豐個價位高低都唔會影響你.

係呀, 我對HSBC的愛慕可用"朝思暮想"嚟形容... 嘿嘿, 可能誇張咗啲啲, 但我確實係差不多日日都諗起佢bor.

最高領導人也很愛慕HSBC, 但與我不同之處係佢已手持N手HSBC放係夾萬入面, 而我就一手都無. 所以我要朝思暮想HSBC, 而最高領導人就不用咁苦喇. 佢得閒攞出來看看, 然後很滿足地把愛股放回夾萬內...

係呀, 人如有心願未了就好難走得舒服... 唔, 咁我就再密切留意吓, 約$81-$83便出手買一手, 費事煩咁多, 完咗一個小心願吧!
唉......唉.......唉......

"係呀, 人如有心願未了就好難走得舒服..."

嘩乜講得咁言重呀.