WeWeWeb .NET

尋日約了朋友食飯, 佢係openrice揾到一間係CWB叫"小X津日本家庭料理", 因為啲食評幾好, 所以去試試.

去到時已晚上8點幾, 全舖滿座, 好彩等了一陣就有位. 店內的裝修只是一般, 但舖內貼了很多相片, 似乎好受客人歡迎, 而且不時有客人替食物影相, 睇嚟佢哋好喜歡啲食物咁. 當日非常熱鬧, 我同朋友要講嘢大些啲先聽到對方講乜, 這是唯一no good既地方.

當日叫了以下食物:

1. 雞肉丸子($19) - 雞肉丸串燒, 味道幾好, 但不大特別, 有粒車厘茄伴碟, 粒車厘茄好新鮮, 朋友話好味.
2. 軟穀蟹卷($78/份, $42/半份) - 只叫了半份, 有4件, 都幾大件架, 上面有厚厚既牛油果. 那個飯既味道, 做得相當好, 令整件卷物好好味.
3. 鍋燒烏冬($85) - 就咁睇個價錢有點貴, 但老板娘話好大鍋. 啊, 原來真的好大鍋!!! 我很喜歡呢個烏冬鍋, 原因如下:

a) 鳥冬好正, 煙煙un un, 好少食到啲咁好味既烏冬.
b) 配料很豐富, 有1隻鍋蛋、1隻天婦羅蝦、1粒元貝、3塊日本魚丸片、1條蟹柳(好味)、2隻冬菇、1束金菇、2塊雞肉(很鮮味)、紅羅蔔絲、菜等等... 而且嗰湯好甜美

4. 牛舌小食 - 呢個係免費小食, 一坐低啲待應就會奉上, 內有牛舌粒、青瓜、粟米粒及黃蘿蔔粒, 辣辣的, 但我不大喜歡吃牛舌... (我曾在另一間日本餐廳食過牛舌小食, 又是一坐低啲待應就放在枱上, 但要收費的, 廿蚊碟. 唉, 唔鐘意食要收費. 無計, no good!)

埋單: $161 (平均每人$80)

結論: 我最喜歡那個鍋燒烏冬, 有機會再去幫襯. 呢間舖啲價錢比較貴一點點, 但份量相對地大, 所以也算合理. 好像今次, 一鍋烏冬兩人分已好飽. 另外, openrice啲網友食評勁讚一個菜式叫做"豆腐鰻魚天婦羅", 我無論如何下次一定要試試!!!

Bean, 你真係好係食bor. 難得啲野又唔貴. 好掂!

你幾時開個Weweweb飲食團, 約埋啲網友去飲飲食食呀?

係呀, 太貴的東西... 我也不捨得食, 亦覺得唔值... 所以, 如有啲物有所值既好東西, 都希望介紹給大家,

在weweweb裡, 最肥的人可能是我... 我已無乜quotation食咁多喇, 我唔同你哋, 事關你哋天生麗質, 食極都唔肥, 仍然咁slim.

識飲識食既weweweb網友大有人在...

有機會既話, 咪一齊食個包, 飲杯茶囉.