大陸水貨DVD

[willy]

本人一向支持知識產權, 所以都買原裝正版DVD看. 但因家景清貧 (已失業多時 ), 所以多數等一年多的舊片才買 (會平一點). 最近路過電腦商場, 看到有一些鋪頭賣大陸水貨DVD (不是老翻的). 有一隻金剛DVD賣$38, 香港版要$148. 因為大陸的DVD的區碼是6區, 不知看不看到, 考慮了一會就以一試心態買回家了.

很好彩, 我的DVD機可以看到. 質數也不錯. 只是用簡體字幕吧了.

在這裡我有兩個問題:

1) 為何大陸貨可以平$100有多?
2) 買大陸水貨DVD 是否要負民事責任?

如沒大問題的話, 我想我會再買這類DVD, 做個大陸人

[beaniebean]

我屋企人上星期都第一次賣咗大陸版既韓片DVD, 唔駛$40就有一套 “我係金三順”, 質素都唔錯。佢啲同學仔都成日買呢類大陸版既韓片。通常係某啲歌星既演唱會同嗰啲好好睇既卡通片(如: 迪士尼, 夢工場及宮驥俊等), 我才會買原裝DVD, 其他都係買VCD或問人借。放心喇, 你唔會因為買大陸版DVD而做咗大陸人, 反而你會成為一個更加精打細算既香港人。

仲有, 唔駛因失業而 , 你既開心指數可能遠遠超越好多人, 包括我呢個為半斗米而折腰既small potato。宜家深夜12點幾電視台翻播既 “棟篤神探”中, 主角莫作棟既口頭禪好啱聽, 就係 “唔駛騰。No problem.” 如果你之前未睇過呢套電視劇, 咁就唔好錯過, 因為實在好好好...笑。

至於你問既問題, 我就唔識答。不過, 我聽人講, 有啲碟係日本牌子既DVD機睇唔到, 反而係大陸牌子既DVD機就睇到。另外, 近年打擊翻版既行動升級咗, 但呢啲賣大陸碟既鋪頭就越嚟越多, 斷估應該無事。

最理想就係啲朋友仔互相借嚟分享, 因為可以慳$同慳地方。我都想借啲碟過你, 不過...