張信哲演唱會

[potassium]

今晚去咗睇張信哲演唱會

一定會有人話：「嘩，乜仲有人睇佢嘅咩？」、「張信哲？！咁老土~~」就算係我呢個fan屎，入場前都冇乜期望。

哈！出乎意料之外，個演唱會勁好睇喎~~~~~!!!!!

阿哲把聲一向都好完美女聲，其實有時聽CD都聽到有啲厭，但頭先聽佢唱live仲好聽過CD！再加埋管弦樂團伴奏，簡直聽出耳油！作為fan屎嘅我，聽到好感動！

不過可惜嘅係，個演唱會好快就完，10:58就完！仲有好多好聽嘅歌都冇唱﹙或者係我呢個fan屎嫌少啦 )，嘉賓就係泳兒同兩個男高音，而阿哲亦都唱咗幾首別人的歌。

計我話，阿哲最好唱足兩個半鐘頭，唔洗換衫架喇，同埋唔好唱其他人嘅歌喇，因為佢好聽嘅歌實在太多，而佢把聲實在太動聽喇！

<written by 頭號fan屎Potassium>

[beaniebean]

Pot妹, 我尋日係"東張西望"睇到少少阿哲演唱會既精華片段, 真係好精采!!! 我都感受到現場fans既開心情緒。阿哲接受主持人訪問時都好開心。

你話阿哲把聲唱live仲好聽過CD。噢, 好勁喎!!! 雖然, 演唱會既時間真係短咗啲, 但從另一個角度睇, 就係好既嘢通常都係"貴精不貴多"。

身為頭號fan屎既Pot妹, 請問如果遲啲呢場concert出碟既話, 你會唔會買?

另請問泳兒唱live好唔好聽?

你話呢個演唱會令你聽到好感動, 我都好替你開心!!!

[potassium]

嘩！成個月前嘅entry，而家至覆！

阿哲把聲的確係現場聽都好好聽！因為我嘅音響系統唔係勁，聽CD只係聽倒佢把「例牌」高音同埋啲普通嘅b/g music，但live就唔同，有live嘅交響樂團，佢唱live把聲亦都好穩定！扣人心弦就係呢種感覺！

至於泳兒，本來都唔想見倒佢出場，但好難得佢唱自己首「感應」時 (你知幾咁高音架啦)，都唱得好好聽，又夠氣，把聲又嘹亮！真係好難得。(其實我鐘意佢把聲多過容祖兒添！)