滿城盡帶黃金甲

[beaniebean]

今日係戲院睇到呢套電影既宣傳海報, 發現阿Jay原來有份拍, 上映日期係12月21日。當然我唔會錯過呢套片, 原因如下:

1) 姐倫有份拍, 點可以唔支持
2) 有親切及好戲既發哥演出, 套片應該非常精采
3) 導演係張藝謀, 套片應該會OK
4) 宣傳海報話套片用咗3億6千萬, 所以係大製作嚟
5) 幾個月前, 娛樂新聞曾報導過鞏俐既戲服好...

以下為有關姐倫與呢套片既報導:
http://hk.movies.yahoo.com/news/ent/006 ... 1vei7.html
http://hk.movies.yahoo.com/news/ent/006 ... 1veau.html
http://hk.movies.yahoo.com/news/ent/006 ... 1uvl4.html

原來姐倫最新推出大碟既“菊花台”係呢套電影既主題曲。

PotPot, 你係姐倫既超級Fan屎, 我諗你一定會睇, 係咪呢?

[potassium]

咦？姐倫有份拍？！嘿嘿 .........

bean你估錯喇，其實我唔會睇，正如我當時都冇睇「頭文字D」
我諗我淨係鐘意聽佢啲歌，我對佢其他product都冇乜「好感」，不過佢concert我都係會買400蚊飛入場睇嘅fan屎嚟嘅~~~~ Razz


不過我知道阿哲好似都拍咗套片，年底上，嗰套我就一定會睇！！

[willy]

3億6千萬? 宣傳來的, 咪信 (不過好似那些大明星片酬是天文數字)

阿Jay做戲? 妳都係咪睇, 冇表情, 冇演技, 不知為何佢可以拿到最佳新人獎, R-head. (佢唱歌我就唔comment, 因為我不懂音樂)

”滿城盡帶黃金甲”, 個戲名就好唔掂. 好暴發. 周潤發果件套裝就要１２５萬. (聽講話個黃金頭盔, 都成斤幾重, 真金來架, 睇得都唔打得). 不過老外都好像很喜歡中國的古裝片, 不竟是龍的文化.

因為是張藝謀作品, 應不會太差. 拭目以待吧. 但肯定是老翻商人又可大賺一筆.

[beaniebean]

雖然Yahoo既網友影評好壞參半, 再加埋Willy係樹叫我唔好去睇, 但身為Jay既fans, 我又點可以唔去捧場呢? 所以25/12去咗睇呢套片。

我既意見如下:

1. 呢套片確實係大製作, 皇宮不但金碧輝煌, 且充滿色彩, 服裝非常華麗, 道具亦做得很細緻。不過, 各花入各眼。有人會覺得浮誇, 有人卻讚嘆不已。

2. 發哥既演技當然好正, 不過佢講既國語始終有點怪怪地。我最深刻既一幕, 係佢怒髮衝冠時, 一頭長髮散落嚟既慢鏡頭, 非常飄逸!!! 正到暈~~~~

3. 鞏俐既演技亦好好, 佢嗰種對住皇帝不服氣既眼神, 真係好有guts。當佢病發時, 一額汗水同埋不斷震抖既手, 都發揮得淋漓盡致。

4. 可能我先入為主, 無論Jay唱歌定係做戲, 我都覺得好正。雖然大部份網友既影評都話佢無乜表情, 但我就覺得佢始終好有型。佢既第一部戲 "頭文字D", 我就覺得非常好睇!!! Jay飾演既二王子最後為咗個"孝"字, 雖然明知場仗會打輸, 但都費事同佢阿媽say no, 真係個乖仔。

5. 呢部片係改編自曹禺既"雷雨"。有影評認為戲本簡單但有張力, 且人物心理描寫得細膩。我既文學水平非常低, 所以唔識呢位作者。如果本書唔係太厚既話, 我有時間既話可能會睇吓。

6. 有某幾幕既山谷景色好靚, 真係想知套戲係邊度取景。

7. 三王子係個十幾歲既細路, 但竟然想爭奪王位, 不過淨係帶咗幾條"靚"去對付佢老豆。佢老豆既功夫咁勁, 唔駛佢出手, 已經有近身護衛彈出嚟。三王子真係厭命長, 最後佢既下場...係好恐佈...

8. 刺客既飛簷走壁同"fing"飛刀既動作好有動感, 非常精采。

9. 兩軍對打既場面好勁!!!因為菊花兵身穿黃金甲, 連啲武器都係金色, 所以同敵軍有強烈對比, 係視覺上有好鮮明既效果。不過, 眼見滿地菊花俾士兵踩爛哂, 真係好可惜!!!

10. 皇后同宮女們既戲服當然係惹火到爆炸。唔好話男士們, 連女士們見到都魂魄唔齊。張導演確實係喜歡做啲出人意表既嘢。

11. 最後片尾首歌 "菊花台"當然非常好聽... 曲詞再配合劇情...有點幽愁既情感... 我聽完成首歌先離開戲院。

12. 哈哈, Willy, 正如你所講。黃金係睇得唔打得, 真係唔知點樣可以用嚟做盔甲。敵人一刀插埋嚟, 肯定死硬。不過, 做觀眾唔可以太理智, 否則, 會少咗好多睇戲既樂趣。

總結, 呢套片值得一看, 但喜歡與否, 則見仁見智。

最後, 聽番首"菊花台"先...
http://mp3.baidu.com/m?tn=baidump3&ct=1 ... D%DC%C2%D7


妳　的淚光　柔弱中帶傷
慘白的月彎彎　勾住過往
夜　太漫長　凝結成了霜
是誰在閣樓上　冰冷的絕望

雨　輕輕彈　朱紅色的窗
我一生在紙上　被風吹亂
夢　在遠方　化成一縷香
隨風飄散　妳的模樣

菊花殘　滿地傷　妳的笑容已泛黃
花落人斷腸　我心事靜靜躺
北風亂　夜未央　妳的影子剪不斷
徒留我孤單　在湖面　成雙

花　已向晚　飄落了燦爛
凋謝的世道上　命運不堪
愁　莫渡江　秋心拆兩半
怕妳上不了岸　一輩子搖晃

誰　的江山　馬蹄聲狂亂
我一身的戎裝　呼嘯滄桑
天　微微亮　妳輕聲的嘆
一夜惆悵　如此委婉

[willy]

阿bean, 看妳對周Jay的評價. 真有點像少女式的偶像崇拜. 我想妳稱阿Pot做小妹, 完全是想隱藏妳年齡的祕密. 查實妳只有18歲

[beaniebean]

Willy, 你真係識講嘢。哈哈, 我都想我係18歲, 咁我就可以大展拳腳。

嘿嘿嘿, 我可能年紀大過你, 所以我呢類型fans應該叫做寶珠姐式的偶像崇拜。不過, 我為人係有啲奇怪。如果我認為嗰個人好正既話, 有時連佢啲缺點, 係我眼中都變為優點。事實上, 唔少人在別人眼中係平平無奇, 但其實係臥虎藏龍, 要有識貨既人先懂得欣賞。

我認Pot做小妹, 係因為一見如故, 呢種親切既感覺一言難盡。雖然你好聰明, 但你唔明我都無計。老實說, 我唔想認太多人做妹, 費事講到我好似好老咁。不過對住獨一無二既Pot妹, 認做阿婆都無所謂。