舞出真我
Posted: Tue Nov 14, 2006 1:15 am
星期日去咗睇呢套片, 原因係受到Yahoo網友影評既影響而去。佢哋講到套片好正, 大多意見如下:
1) 音樂好正
2) 跳舞勁好睇
3) 男女主角係靚仔靚女
4) 係一套勵志片
我睇完之後, 只覺得戲情非常簡單, 不夠細膩。主要係講一個無所事事、渾渾噩噩、喜歡半途而廢、無目標、無理想、但喜歡跳舞既後生仔, 因犯事而被判到一間藝術學校履行社會服務令。期間男主角遇上了女主角, 且最後成為女主角既舞伴, 從中發揮咗自己既跳舞天份及才華, 最後得到呢間藝術學校取錄佢做學生, 令佢搵到人生既方向。
我諗住套戲會有多好正既音樂同埋精采既跳舞場面, 先至買飛入場睇。可能我既期望太高, 所以最後有點失望, 因為呢兩嘢都比我預期中少好多。不過, 呢套戲有幾段一大班人跳舞既場面, 配合著強勁既音樂, 都好精采。另外, 女主角都好勁, 著住對3吋高踭鞋係到勁跳, 轉完好多個圈之後仲四平八穩, 真係要有番咁上下功力先至得。
“美國有史以來五大賣座跳舞電影之一”呢一句係套片既海報上面出現。真係好想知道其他四套電影既戲名。
散場時發現唔少上咗年紀既人都嚟睇呢套片。哈哈, 真係好!!!咁就証明跳舞同音樂係無分年齡介限, 總之鐘意就得啦!!
1) 音樂好正
2) 跳舞勁好睇
3) 男女主角係靚仔靚女
4) 係一套勵志片
我睇完之後, 只覺得戲情非常簡單, 不夠細膩。主要係講一個無所事事、渾渾噩噩、喜歡半途而廢、無目標、無理想、但喜歡跳舞既後生仔, 因犯事而被判到一間藝術學校履行社會服務令。期間男主角遇上了女主角, 且最後成為女主角既舞伴, 從中發揮咗自己既跳舞天份及才華, 最後得到呢間藝術學校取錄佢做學生, 令佢搵到人生既方向。
我諗住套戲會有多好正既音樂同埋精采既跳舞場面, 先至買飛入場睇。可能我既期望太高, 所以最後有點失望, 因為呢兩嘢都比我預期中少好多。不過, 呢套戲有幾段一大班人跳舞既場面, 配合著強勁既音樂, 都好精采。另外, 女主角都好勁, 著住對3吋高踭鞋係到勁跳, 轉完好多個圈之後仲四平八穩, 真係要有番咁上下功力先至得。
“美國有史以來五大賣座跳舞電影之一”呢一句係套片既海報上面出現。真係好想知道其他四套電影既戲名。
散場時發現唔少上咗年紀既人都嚟睇呢套片。哈哈, 真係好!!!咁就証明跳舞同音樂係無分年齡介限, 總之鐘意就得啦!!
