沖出水世界

[beaniebean]

尋日睇咗呢套片, 結果係比想像中好睇。我係睇廣東話版, 有古天樂、莫文蔚、林曉峰、錢嘉樂及秦沛配音, 片中有唔少搞笑既對白。現場不時傳出啲細路觀眾既笑聲。有好多幕, 我都想哈哈大笑。不過, 秦沛既配音真係值得一讚, 不但非常生鬼, 而且把聲好清晰。如果有埋葛民輝係度, 應該會生色不少。

片中最可愛得意既係啲鼻涕蟲。佢地係適當既時候就會出嚟搞氣氛, 得閒又唱吓歌, 都幾好聽架。雖然片長得80幾分鐘, 但睇完都覺得套片唔算太短。

呢套片有個優惠, 就係每買4張飛, 就送一本精美記事簿。我已經換咗喇。本來以為本嘢好薄, 但原來都幾厚, 類似一本硬皮日記簿, 裡面都算精美。

哈哈, 我識人有門路, 每2張飛可以換一張海報。如果可以換postcard仲好, 可以慳番啲地方。

[willy]

"比想像中好睇", 即是有幾好睇呀. 此類卡通片, 我多幾都唔會去睇. 連買DVD都不會. 最多都是買vcd就算. 因為d sound recording 覺得唔會好好. 還有電視很快就會有得看.

[potassium]

haha, 但我想睇
不過冇錢

[beaniebean]

今年我睇咗呢7套卡通片, 係心目中既排名如下, 所以呢套片都算幾好睇。

1) 反斗車王 ~ 冰河世紀2
2) 沖出水世界
3) 四條腿拯救隊
4) 地海傳說 ~ Keroro軍曹大電影
5) 狼羊物語

老實說, 唔係套套戲都值五六十蚊去買飛睇。一向精打細算既我最鐘意係星期日睇早場, 通常每張飛盛惠30蚊, 有時會係40蚊或45蚊。如果套戲最後唔係咁好睇, 咁都無咁肉痛嘛。由於IFX既戲飛一般比其他戲院貴, 所以去個樹睇早場係最抵既。

Pot, 難得你竟然有興趣睇卡通片。我一定好贊成你去睇。不過, 睇完發覺唔好睇既話, 唔好炳我喎!!

[Cindy]

嘩...
bean係睇咁多cartoon
我淨係睇左cars周埋4條腿~~
flash away都想睇...
4條腿好低B
side晒我d錢