WeWeWeb .NET

早前約咗舊同事食飯, 閒談間先知佢近排買咗唔少呢個導演既碟嚟睇, 仲話好精采。經佢提起, 我先知呢個導演原來好出名。原來百X滙電影中心既cafe都以佢命名, 咁就知佢有幾出名。

近期百X滙搞咗個 “漫遊‧寇比力克” (A Stanley Kubrick Odyssey)既電影週。從呢個網頁(http://bc.cinema.com.hk/adhoc/stanley_k ... index.html) , 先知呢個導演係一個傳奇人物, 佢拍既戲好具爭議性, 作品不多, 但多元化。佢最後既一套片係1999年既“大開眼戒”, 當年佢已經接近71歲, 真係好勁!!!

佢拍既戲, 我一套都未睇過。遲啲我有時間既話, 會去睇吓, 希望能感透吓佢既吸引力。

另外有樣嘢值得一讚, 就係上述網站既design好靚, 特別得嚟又簡潔鮮明, 係一個好用心去設計既網站。

順帶一提, 呢個網站話係6/1/07(六)及14/1/07(六)會分別舉行分享會及小型放映會。如果你係呢個導演既fans, 就唔好錯過喇!

Bean 多謝妳的介紹, 我也感興趣. 我入去那個網, 發覺全周那套電影是沒有字幕.......我怕看完再見都唔明佢講乜

噢, 係喎, 全部都無字幕。不過, no problem。我尋日行過影碟舖, 原來呢個導演拍既片已出咗一個系列既VCD, 大約有六、七套片, 每隻碟盛惠$19。

咁多套片中, 我諗我會先睇 “發條橙”, 因為佢係英國被禁25年, 一定有非比尋常既原因。不過, 一定要有心理準理, 睇完呢類暴力片後, 感覺應該唔係咁好。

發條橙, 我有果隻vcd. 這套電視的題材真是很有爭議性. 但作為另類電影來欣賞, 是不錯的選擇.

Bean 我發覺好對電影都幾有研究.