WeWeWeb .NET

昨天和朋友看了這套片, 個人覺得整體都不錯.

- 忠於手塚治虫的漫畫原著 (1969)
- 女主角 柴咲幸 演繹 多羅羅 的角色, 十分出色.
- 取景和一些拍攝角度很好. 我朋友說看到有一些影是CG做出來, 但我沒有留意到.
- 武打看起來似模似樣 (不像日本超人片的一般打鬥), 武指程小東應記一功.
- 最好是全片136分鐘, 不愛看些樣神怪片的人也可睡一個好覺.

當然此片也有其缺點:

- 我其中的一個朋友說節奏太慢, 另一個朋友說打的不夠精彩. 其實些片除了有動作外, 真是有很多對白, 內容多是描述角色的心態, 及交代一些前因. 影片 (編劇) 也想導出一些觀念, 如: 因果, 仇恨 等...
- 男主角 百鬼丸 (妻夫木聰飾), 可能要忠於原著, 個人冷漠. 但不明白他是盲的還依然眼珠"look look", 奇...
- 此片最後說百鬼丸, 殺了24隻怪, 但片中只大約有7場殺怪場景, 一場大約二分鐘, 對於那些對動作有要求的觀眾, 實在大少了. 其實電影CG成本是很高, 一般是用秒去計錢.
- 因為原著很長, 可以拍電視劇會有更好交代.

為什麼我會看此片, 因為yahoo的影評也是好壞參半. 但因我之前玩過一個相同的電玩遊戲 http://newodin.gamer.com.tw/4/5494.html, 這個遊戲製作得很好, 是我少數能玩完的其中一個!!!

最後昨天出旺角, 買了大陸版的 <<Happy Feet>>, 還未看, 但希望又是一個驚喜.

受咗上述文章既影響, 我今朝去咗太古城睇呢套片。結論係好... 好... 好... 睇!!!比我想像中好好多。不枉我今朝晨咁早7:30起身再搭兩程車去。老實說, 今朝起身時都幾掙扎, 但諗到呢套片就快落畫, 如果今朝唔去, 就未必再有時間去睇。

Willy, 你就好啦... 看咗漫畫原著, 又終極地玩完個game, 再加埋睇完部片, 你可說是"多羅羅"的專家。哈, 我遲啲有問題想問吓你...

由於今日時間有限, 我稍後會講吓我既意見。

看後意見如下:
1. 女主角表情可愛, 佢企係度既姿態好鬼有型(成日打開隻腳企), 行路又彈彈吓, 充滿孩子氣。為人有義氣既佢, 雖然武功唔強, 但每當百鬼丸殺妖時, 佢會奮不故身協力抗妖。
2. 男主角塊面有點baby fat, 但卻令佢有俠士既敦厚感覺。佢有幾吓招式好型(特別係轉劍果招), 快到我都睇唔切。
3. 故事有好多五花八間既妖魔(印象中有: 蜘蛛妖, 飛蛾妖, 樹妖, 麻鷹妖, 狼妖, 恐龍妖, 人型妖), 各有不同造型。有啲幾新奇, 有啲就幾假。此片只出現過七、八隻妖怪, 如果要為48隻妖怪設計造型, 相信會幾頭痕。
4. 呢套片都幾神怪, 但我就係鐘意佢夠古靈精怪同天方夜譚, 係現實中想像唔到(如: 無眼耳口鼻同四肢但仍生存到既BB), 咁先至夠新奇。
5. 此片係紐西蘭拍攝, 有唔少靚景: 一幕幕大草原, 漫天飛花, 晚上滿天點點螢火虫, 男主角BB被遺棄既彎彎小河, 片尾最後既海洋一景... 等等。
6. 看完此片後, 我有興趣看原著漫畫, 相信應更能感受到故事想帶出既訊息同故事人物既內心感情。另外, 亦有興趣看女主角既另一套舊作《在世界中心呼喚愛》。
7. 呢個網站(http://www.comicart.com.tw/down/3/1-1.htm)有簡介手塚治虫, 文中有一句提到"手塚經常透過作品探討人類本性, 思辨人生哲學, 傳揚人道主義, 讓人拜讀其作品後, 自然而生無限的感動。"我希望日後有時間去睇佢既作品, 咁先會明白到點解啲讀者咁欣賞佢。

此片有4處地方感到有點奇怪:
1. 開場無耐有幕艷舞, 女演員著住啲比堅尼式舞衣...我很難想像果個年代已有啲咁西化既服飾。
2. 術士既實驗室內有電力供應, 且有膠喉同膠板等等設備。我有點懷疑果個年代已有"電"同"膠"呢2樣發明。
3. 故事講述術士把在戰爭死去既兒童殘骸搞碎, 然後再倒模做百鬼丸既內臟同肢體, 此點都幾匪夷所思。因為手塚治虫本身係個醫學博士, 佢竟然有咁既念頭, 真係有點出人意表。
4. 將軍所住城堡既外型都幾古怪, 似一間搭緊棚既工廠。

Willy, 我有以下問題想問你:
1. 請問原著漫畫有無講述百鬼丸如何逐一殺死48隻妖怪?
2. 請問原著漫畫中, 百鬼丸同多羅羅有否感情線?
3. Yahoo網友話遲啲會有多羅羅第2集同第3集, 你估係咪真呢?
4. 片中百鬼丸既細佬多寶丸條頸曾中咗一刀。請問個刀係咪百鬼丸與其他士兵打鬥時, 因斷劍彈咗出嚟而誤中多寶丸條頸呢?

Willy, 你係呢度既人頭相其實有幾分似多羅羅, 特別係彈彈吓之後企響度既神態。

- 原著漫畫是有沒有講述百鬼丸如後來的故事.

- 百鬼丸同多羅羅有否感情線? 此片一定有下集, 但下集有沒有那個感情線, 我也不知, 要問一下編劇. 原著的多羅羅比百鬼丸少10多歲 (我估計), 所以多羅羅還是個小孩. 她也一直沒有說過她是女生. 所以我也當她是男生看待, 但是故事結尾是, 也頗.....這裡賣個關子, 否則你如看下一集就沒有了那份新意...

- 好像是這個吧, 總之片中多寶丸死的有點無辜. 但這和原著是有出入. 其實電影和原著也有想當大出入. 如多羅羅的名字是父母改的而不是百鬼丸改, 因為她懂事時雙親還在. 漫畫中醍醐夫妻沒有死 電影中是兩個都死了.

最後說一下手塚治虫, 我可給的評語就是 "漫畫大師中的大師"!!!

哦... 原來係咁...

雖然多羅羅同百鬼丸年紀相差十幾年, 不過, 難得佢哋係戰亂中相遇, 又一齊經歷咗咁多生與死, 並且互相感染將仇恨放低, 真是非常難得既一對。如果編劇係續集加啲感情線, 咁就好喇!!!

Willy, 睇嚟你係手塚治虫既fans。你有無睇哂佢既作品? 請問邊套作品係你既摰愛?