戰狼300 (300)

[beaniebean]

原本無諗住睇呢套片, 原因係個片名唔吸引, 而且又似係啲打打殺殺既戲, 但Yahoo網友既影評分數一直高企, 個個都讚不絕口, 再加上當時佢既美國同香港票房係No.1, 所以我咪去睇吓套片究竟有幾好睇。

當日早咗到戲院, 所以係入面睇咗一啲有關呢套片既剪報。我仍記得有以下幾點:
1) 成本4.7億港幣, 但上映3日已回本
2) 實際拍攝時間需6星期, 但後期電腦製制長達一年, 大部份拍攝地點在室內
3) 男主角謝拉畢查(Gerard Butler, 曾主演《歌聲魅影》)及其他勇士演員拍呢部戲之前, 用咗6個月時間去操fit體型
4) 電影主要係忠於漫畫原著, 故事會同歷史會有出入
5) 此片充滿"暴力美學"

看後既意見如下:
1. 片中有多場震撼場面, 印象最深刻既一幕, 係講一對父子(兩個都係勇士)係奮戰時, 個老豆見到個仔咁英勇, 所以面露欣慰神情, 但說時遲那時快, 個仔就被敵人斬咗個頭落嚟, 於是佢個無頭身軀企咗響度一陣先跌落地。雖然個老豆身經百戰, 但突然間失去最親既人, 情緖失控起來...

2. 片中經常運用時快時慢既鏡頭去捕捉一幕幕既浴血打鬥場面, 呢個拍攝手法有特別既視覺效果, 映像迫人, 每個動作都異常勁爆, 尤其係個啲血花四濺既慢鏡頭, 睇到我眼定定。由於整套片用咗灰灰沉沉既色調, 噴出嚟既血也非鮮紅色, 所以少咗點血腥感覺。

3. 個班300個勇士好神勇及有謀略, 視死如歸, 雖然以寡敵眾, 但仍毫無懼色, 所殺既敵人屍體多到可以堆砌一幅幅人牆。敵人雖然不停派出五花八門既戰士出嚟對抗, 但都慘敗於勇士之下。不過, 勇士被小人出賣, 最後要壯烈徇亡。

4. 片中有2個小人。一個係外型極畸怪及勁樣衰既叛國者, 為求貪圖各種欲望而出賣國家。另一個係成人之危既超級衰人, 當佢用卑鄙既手段得到佢想要既嘢之後仲反轉豬肚。"小人"呢家嘢真係好得人驚!!!

5. 未看此片前, 我會問"暴力"與"美學"之間可以扯上關係嗎?但看完後, 我開始有點明白...

6. 片尾演員及製作人員名單既設計非常特別, 用剪影手法去表達戰場景況, 不時又彈啲血出嚟. 最厲害係個啲血濺出嚟明明係2D, 但鏡頭一轉, 佢又變咗3D。

7. 除血腥外, 此片還有其他三級內容。有一幕講個女先知係到跳舞, 唔少Yahoo網友勁讚, 原因係...

8. 睇完此片, 我有興趣看此片漫畫名家法蘭米勒既另一套名作電影《罪惡城》。

一向不喜歡看戰爭片既我, 卻覺得此片非常有新鮮感, 沒有失望, 值得一看。

有興趣既話, 可到此處看明報的影評:
http://ol.mingpao.com/cfm/star5.cfm?Fil ... 2/mec1.txt

[willy]

上星期四也和朋友看了五時半, 原來此個時段很少人看, 很好, 因為不用和別人迫.

正如阿bean的說法一樣, 此片是主打暴力美學, 所以有很多打鬥鏡頭都拍的很美 (主要是快慢鏡頭交錯, 但多用第三身單角度). 可能沒有華人武指, 打法沒花巧, 很直接, 很能導出古希臘戰士那種原始的勇武. 不知為何, 我常覺得西片的攝影角落和港產片有很大的分別, 單簡一句就是港產片多是有 "大銀幕, 小電影" feel, 業界愛用 '小品電影' 去形容.

因為這套電影總體是OK, Bean 也說了很多正面且詳細的評論, 我則說一下我的觀點:

- 300是由漫畫改編而成, 描寫希臘的"溫泉關之戰". 之後我翻看我那本<<世界通史>>, 發現真是有點出入. 如波斯戰艦被巨風打沈, 是戰狼300被殲滅之後. 希臘人不出兵的原因是因為奧林匹克 . 後來, 我才發覺, 此片是以說故事形式表達出來.

- 此片就如其姊妹作 <<Sin City>> 一樣, 大部份都是室內加CG. 但我還是覺得CG比期望中差. 例如有勇士被斬飛, 理應有血飛濺, 但CG處理有點失望. 我沒看過 <<Sin City>>, 但聽說這整體比<<Sin City>>好.

- 不知是不是要show muscle, 斯巴達 戰士 位位都是赤著上身上. 不過據說歷史上的斯巴達戰士會身穿七十磅的重裝甲, 否則會有很大傷亡. 不穿上衣打近戰, 我想只有非洲戰士 (他們只獵殺動物) 或 競技場中的角鬥士才可看到.

- 本故事很簡單, 差不多只的一條主線. 王后的那條支線可有可無, 我也覺得寫的不是太好. 王后擊殺奸角, 大快人心 (正義必勝). 但奸角跌出太多波斯金幣 就有點那個, 唯一解釋就是一個很愚蠢的守財奴, 既忘了帶提款咭也不懂洗黑錢.

- 本片有兩幕色情情節, 也是可有可無. 不過一套單調的電視, 加上性的元素也不是太差, 起碼會改善很多觀眾的觀感, 使平淡情節泛起一 絲漣漪. 得說實一點古希望的女性身材可能平凡一點.

=後記=

其實波斯王薜西斯攻占了溫泉關後, 矛頭并沒有指向斯巴達, 而是雅典城, 還把她燒毀了. 但最後還是大敗給希臘聯軍, 經小亞細亞退回波斯.

[beaniebean]

係少人既時段睇戲真係好鬼正。唉, 有好幾次係多人既時段睇戲(特別係UA戲院), 成日都俾前面啲人阻住我既視綫, 睇到我頭側腰斜, 都幾辛苦。所以, IFC、數碼港及AMC還是我既摰愛戲院。

你上述既文章不經意又揭露咗你既歷史知識非常強勁, 屋企仲有本《世界通史》看門口。好厲害喎!!!經過你既指正, 我先知道電影故事確實同歴史有很大出入。

另外, 上文提及一句 “希臘人不出兵的原因是因為奧林匹克”。我有點不明, 請問可否略加詳述?

哈, 我都好同意你補充既其他觀點... 好有見地喎!

[willy]

古時的希臘半島, 是由很多小國家(城邦)所組成. 其中文化發展得最快, 當然首推雅典城 (還記得蘇格拉底和柏拉圖嗎?). 而祟尚武力的則要數是斯巴達. 斯巴達的兒童, 真的是7歲就編入軍隊, 由國家收養. 還記得300內說斯巴達(人), 沒有奴隸, 不會向人下跪, 其實有點誤導, 因為他們統治多於自己10倍的農奴, 稱為希洛人.

早期除了地區內的輕微矛盾外, 城邦間都多能和平相處. 奧林匹克就是城邦間的文明競技場. 在奧運期間, 交戰的各方同意在運動會期間停止戰鬥, 因為它是為眾神舉辦運動會. 當然他們對外敵就非常團結. 所以他們對抗波斯的軍隊稱為希臘聯軍. <<木馬屠城記>>內的特洛伊戰爭, 就是由斯巴達國王發起的希臘聯軍, 攻打特洛伊人.

[beaniebean]

哦, 原來背後係咁複習既, 真係估唔到古代希臘原來已經有咁多城邦各自為政。宜家明白多咗, 唔該哂...

Willy, 睇嚟你真係對歷史好有興趣。呢個網站有個地方"Wiki自由資訊平台", 你係個度都擺咗唔少中國歷史資料。其實, 我一直都想問果個平台有什麼用途?

[willy]

阿bean, 你以前沒有history課上嗎?

那個 "Wiki自由資訊平台", 我本來時希望有心用家可合力打做一個多元化的知識庫 (Knowledge Base). 但因找不到有心用家, 但卻引來一班無良"有心人". 此軟件又不能delete用家, 所以取消新加用戶功能.

現在, 這個wiki, 我有時間和心情都會update. 內容也供公眾觀看.

[beaniebean]

我當然有上history堂啦!只不過我係學術上既記性麻麻地, 但其他非學術既嘢(如: 八掛無聊同工作上既事)就有唔錯既記性。

我依稀記得我應該係F.1或F.2學過希臘歷史, 但我份人一考完試就乜都唔記得哂。事隔咁多年, 你仲記得啲歷史咁清楚, 看來你應該是學校裡面既高材生。

哦, 原來果個平台背後係有一段古, 佢既用途應該類似Wikipedia。不過, 靠你一個人去建立就有啲辛苦喇。如果可以既話, 請考慮加多啲外地旅遊資料。