忍者龜 (Teenage Mutant Ninja Turtles)

[beaniebean]

“忍者龜” 呢個名, 我聽咗好耐, 但從來唔知佢哋係乜東東。因trailer頗為吸引, 所以去咗睇呢套片。從呢個報導(http://www.takungpao.com.hk/news/07/03/28/UL-712641.htm), 我先知道佢哋係1984年既漫畫中面世, 簡介如下: “忍者龜的英文名稱意指「年輕異變的忍者龜」，四隻被遺棄並沖到地下水渠的寵物龜，因受到核電廠輻射的影響，產生異變，變成人形烏龜。這四隻忍者龜名為 Leonardo、Raphael、Donatello和Michelangelo，全部都是文藝復興時期著名藝術家的名稱。四隻烏龜在異變成人後，得到一位來自日本的超級大老鼠——忍者師傅傳授武功，他們憑藉一身好武功在紐約市內除暴安良。” 而今次電影講述佢哋隱居後復出, 重新展開維持治安既重要任務。

我既意見如下:
1. 我認為此片最好睇既地方, 就係啲忍者龜係城市裡面飛簷走壁; 而最精彩既一幕打鬥戲, 就出現係一個天台既霓虹燈下, 兩隻忍者龜因誤會而打起交嚟。 果場戲落著大雨, 忍者龜成身濕哂, 皮膚上濕淋淋既水畫得非常似。
2. 廣東話既配音麻麻地, 有點死板, 且不大好笑, 英文版應該會較好。
3. 故事描述四隻忍者龜既兄弟情, 但不夠強烈。
4. 四隻忍者龜各精於一種武器(雙武士劍, 三叉戟, 長棍, 雙節棍), 但戲份不同, 某啲忍者龜不能發揮強項。
5. 我不大喜歡忍者龜既造型, 略嫌佢哋太過肌肉型, 加埋個樣似賊多過以忍者。
6. 此片由香港「意馬國際動畫公司」拍攝，製作時間長達3年、耗資五千萬美元, 由電影製作公司華納兄弟代理發行。另有報導(http://hk.business.yahoo.com/070128/216 ... udiovisual
)此公司既股價因 “忍者龜”既關係, 係一年裡面升咗12倍。好勁喎!!!該公司仲買咗 “小飛俠亞童木”同“神勇飛鷹俠” 兩個卡通人物既電影版權, 且會考慮推出 “忍者龜”續集。難得此片既製作有咁高水準, 所以身為香港人既我會繼續支持。