羅拔神奇家族 (Meet The Robinsons)

[beaniebean]

我一向係迪士尼卡通片既fans, 當然唔會錯過呢套片。不過, 唔知點解, Yahoo既網友影評麻麻地。我既意見如下:

1. 故事有出人意表既地方, 真係估佢唔到。
2. 呢套片既海報有隻大恐龍, 但佢既戲份唔多, 特點係 “恐龍頭, 曱甴手”, 造型都幾搞笑, 要睇過先知點解會咁講。
3. 片中既“現在”同“將來”縱橫交錯。究竟係 “現在”影響 “將來”, 定係 “將來”影響 “現在”? 呢個問題就好似 “有雞先, 定係有蛋先?”一樣咁難答。
4. 片中既 “未來世界”都幾有新意, 天馬行空, 令人擴闊想像空間。
5. 男主角係個IQ好高既孤兒, 憑著“勇往直前”呢個信念, 結果成為一個出色既發明家。我都希望好似佢咁, 掛個“勇”字係心口, 唔怕失敗, 多作嘗試。
6. 有2首歌幾好聽, 好似係Eason主唱, 但我現時仍未係網上搵到有關資料。
7. 片頭播咗一個舊既迪士尼卡通片, 大約10分鐘, 有點過時。

[willy]

這一套電影我興趣不大, 因為覺得d公仔唔靚.

“恐龍頭, 曱甴手”, 真係幾搞笑. 不過好似唔有問題, 如果隻隻動物都企係牆處, 咁隻恐龍咪分分鐘餓死?

[beaniebean]

哈, Willy你無睇套片, 但都知道啲戲情喎! 不過, 你可以放心, 果隻恐龍只要返番去無牆既原始世界, 咁樣就唔會餓死喇。

今日睇咗明報一篇有關此片既影評(http://ol.mingpao.com/cfm/star5.cfm?Fil ... 2/med1.txt), 我先知道係機場開咗間4D超立體巨幕影館。該筆者話有朋友去咗果度睇呢套片既3D版, 大讚效果好好。

我係網上查過呢間4D戲院既資料, 特點係擁有全亞洲最大既4D銀幕(高逾4層樓)。我看過該網站(http://www.mclcinema.com), 果度啲戲飛票價由$50-$75不等, 價錢都唔算太貴。噢. 我都好想去!不過, 車費會好 “溶”。等我第日有機會去反轉大嶼山既時候, 先順便去果度hae吓。

[willy]

阿bean,

真係好介紹wor. 我有機會一定會去見識一下.