加勒比海盜：魔盜王終極之戰

[beaniebean]

尋日已睇咗呢套戲, 結論係非常精采, 當中最有趣係魔盜王積克船長出現“思覺失調”既情況, 一人分飾多角。

由於宜家太夜, 遲的再補充。

不過, 有一點要提吓未睇既網友: 係最後演員及工作人員名單完咗之係仲有嘢睇, 所以唔好咁早就離場閃咗去。我係睇完套戲之後, 上去Yahoo見到網友既影評先知, 所以好可惜地錯過咗…

[beaniebean]

Willy, 我本想在"主題"加入此片的英文名, 但過長, 不可加入. 請問你可否代為加入(Pirates of the Caribbean: At World's End)?

[willy]

不能, 系統所限, 最多60字

[beaniebean]

我既意見如下:

1. 魔盜王Jack依然魅力非凡, 有勇有謀, 看見佢既鬼馬表情同有點乸乸地既動作, 真係好鬼搞笑同抵死過癮。

2. 陸上行舟既意念好新奇, 全靠啲好趣怪既石頭蟹。

3. 原來世界既盡頭係咁既樣, 平靜且一片明亮。可惜, 果個世界只得Jack一個, 佢悶得爆炸, 所以思覺失調, 一人分飾多角。

4. 要離開世界既盡頭並非易事, Jack真係好聰明, 咁抽象既辦法都俾佢諗到, 但頭腦簡單既我不太明白箇中既玄機。

5. 維廉同伊莎呢一對, 佢哋係人生最重要既一刻, 竟然係驚險萬分既情況下渡過。雖然見証既人唔係各方親朋好友, 而係一班正係度打打殺殺既海盜同敵人, 但咁既情景可說是與別不同。最後, 嚟個情深一吻..., 相信唔少人覺得好浪漫。

6. 維廉成為海盜之後, 成個人即刻man哂, 好型~~~呀!!!!

7. 伊莎係個爽朗有氣概既靚女, 佢係一個長情既人, 一等又要等10年。

8. 我哋既發哥當然好有氣勢, 可惜出場不太久, 就...........唔知佢之前同Jack有什麼恩怨呢?

9. 係海上漩渦決戰一幕, 險象棋生。不過, 有點不明, 就是那些海盜船唔知點解被炮彈打極都唔會沉?

10. Jack既老豆有出現, 原來係Rolling Stones既結他手 Keith Richards。雖然我唔識佢, 但有勁人客串, 真係好厲害。

11. 我認為第2集比第3集好笑, 但第3集既故事劇情則較複雜, 要動點腦筋。

有消息此片會繼續開第4集... 好嘢!!!!!!!!!!!!!! 又可以再見到Jack喇。其實, Jack真係迷倒不少男男女女既fans。

[willy]

本來今日(星期二)去看, 但買不到飛. 改看28周後.

之前過yahoo網評, 感覺上不是太好. 但發覺片商真是有很多打手. 很多評論都盲目給予5星. Twisted Evil 他們的題目很不客觀:

必看的電影．．．實在太正
超正!!!!
正到痺呀~~~
不可不睇之作！
正丫！！
正到爆啊!!
勁好睇!!超正
超好睇！
→不得不看←
最住電影啊!!
超好睇呀..唔睇真係唔得..!!!!
正呀!!!!!!一家要睇
越來越好睇 一集比一集好
***2007最強片王-*** <---這個最誇

[beaniebean]

呢啲題目真係幾無新意, 片商要搵啲識吹水既人做妹先至得。

哈, 你有心睇戲就早啲買飛揀番個靚位吖嘛, 否則, 同你一齊睇戲既好朋友會俾你激死。不過, 你份人可能喜歡"隨綠"同"即興", 而且遲啲睇有個好處, 就係唔駛同人迫。

老實說, 我認為<<蜘蛛俠3>>比<<加勒比海盜3>>好睇, <<加>>較難明白, 且前半段略為平淡。

[willy]

我已經唔係星期二去買, 而係星期一去買. 不過同我去看戲的朋友, 係好friend果d, 唔睇戲咪去食晚飯口羅. 我唔會激死我的朋友口架, 因為要激死的都死了. 哈唔先稱呼死咗既人, 應叫做"朋友"定"以前口既朋友"呢?

[beaniebean]

Willy, 你是否很攰呢? 你可能已有點暈暈地, 所以打錯字。有點不明你既句子。哈哈哈...

不過, 大約估到你最後果句想講乜。

如想星期二揀個靚位睇戲, 咁你就要星期日去買飛。知道未? (Willy: 我一早就知喇 )

[willy]

我上個星期二終於看了此部電影, 一如我所料, 此片真是拍的不好. 我本著陪朋友的心態去看, 又有15大元的discount, 所以不覺得很失望.

所我的兩個朋友看完後就覺得此片不知所謂, 都唔知套戲想講d乜云云. 其實我的其中一個朋友已經好有心, 他先買了一和二集dvd回家看, 做了功課才看第三集, 但依然是失望而回. 他給我的評語是: "第一集比第二集好, 第二集又比第三集好, 什麼還有第四集....噢"

此片有什麼唔好 (撇開劇本不說, 因為他是Disney式作品, 沒有什麼好說):

- Disney式作品者, 應是合小朋友看的 (IIA級:兒童不宜), 我想這麼複雜的劇情, 一個正常的成年人也不宜吧!

- 導演的取影角度捕捉得不好, 沒有大電影feel.

- 因為劇本太冗長, 太多地方有悶位. 我的另一個朋友對我說, 之前他看這電影時差點就睡著了.

- 可能因為導演也覺得影片太長, 所以叫演員多攪笑. 但阿Jack的攪笑方式本人就不太會欣賞.

- 為了打進亞洲市場, 加了周潤發這個可有可無的大配角, 但總是覺的發哥拍荷里活片都是木口木面, 不能完全發揮.

- 完場的一場海戰, 真是今人失望, 什麼九大海盜, 東印度公司 (其實加勒比海只有知名度較低的「西印度公司」) 無敵艦隊, 完來只是佈景板. 可能是budget問題, CG可免則免.

- 最慘就是東印度公司那個主帥和主帥艦隊的船員, 全部葬身大海. 真是慘無人道. 可能編劇是看了三國演義, 大將單挑的劇情才想到的 (真正的海戰是講求艦隻間的互相配合). 單挑就算了, 主帥艦是一艘四層炮台的大戰列艦, 可說是船堅炮利, 而黑珍珠及鬼盜船是兩層炮台的快速艦 (海盜都愛用這種船, 因為不需太多人手和可及時逃跑), 如面對面對衝開炮, 主帥艦的贏面是十分高, 因為船與船平排的時間是很短, 每炮只可打一次 (來不及reload). 好彩主帥臨場short咗, 不下命令, 口中只說: "這是最有利的"~~~~~這利益顯然不是對東印度公司而言...應該被理解為電影商的利益: 主角不死, 又可拍下一集!

此片雖然拍得不好, 所不能說它很差, 所以我會給他三粒星. 不竟他給了我一個兩個半鐘多的消閒節目.

[beaniebean]

嘩...........乜原來戰艦同海盗船背後有咁多學問。呢套片既編導應該重金禮聘搵你去做資料搜集。哈哈 你又多一份part-time job 喇。(發...發...發...)

其實我也不明點解只得主帥戰艦同黑珍珠及魔盗船係度隻揪, 佢啲馬係後面郁都唔郁, 得個睇字!?

你上個再上個星期二睇既<<28周後>>, 有乜意見?

[Cindy]

呢套我都有睇....
不過麻麻地鍾意睇第2同第3集
有好多野都唔明..
有d人話要玩過果隻game先明喎..
我鍾意up is down果幕...
不過唔鍾意個ending呀...
要成10年先有得見..
冇陰公..
好似話disney想開前傳講阿發哥同jack既恩怨
係就好..
呢套戲發哥都冇得點發揮既..
最叻淨係識more steam
最後仲要死得咁求其

[willy]

哈, Cindy 都來寫野, 真係好喇.

[beaniebean]

好嘢... 有Cindy加入。

其實, 呢度係一個可以乜嘢都嗡一餐既地方。

我有時都想講啲無聊嘢, 不過又驚無聊得濟會俾最高領導層刪除我既文章。

所以最好就係有人講嘢, 我就可以順便搭嗲。