哈利波特 - 鳳凰會的密令

[beaniebean]

呢套片(Harry Potter And The Order Of The Phoenix)於11/7上畫, 我看過IMAX既票價(http://www.uacinemas.com.hk/publicUA/ne ... NEWS070131), 電影票價如下：

星期一至星期三 :
$95 下午六時正或以前上映場次 ;
$105 下午六時後上映場次

星期四及星期五 :
$105 下午六時正或以前上映場次 ;
$115 下午六時後上映場次

星期六、星期日及公眾假期 :
$115 各場次

但網頁有一句註明 "本片於大約最後20分鐘配以IMAX 3D技術放映"。

究竟是否值得用上述票價去看? 我諗要睇吓啲口碑先至可決定 ...

[beaniebean]

有一個問題想問Willy:

上次你話因系統所限, 文章主題最多可放60字。
但是 “哈利波特 - 鳳凰會的密令(Harry Potter And The Order Of The Phoenix)”也不超過60字, 但系統仍然不接受, 請問是什麼原因?

[willy]

中文字係double byte characters, 所以至少當2個英文字計.

[beaniebean]

今日睇咗呢套戲, 唔知點解....睇完後有一種滿足既感覺。

我既意見如下:

1. 魔法學校嚟咗個粉紅老巫婆, 佢係一隻笑臉虎, 以不人道既方式體罰啲學生, 令人睇唔過眼!!!

2. 一對孖仔學生係考緊試既hall搞亂檔, 大放煙花. 激到粉紅老巫婆扎扎跳!!! 見到啲學生得到平反, 真係大快人心!!!

3. Harry同張秋啲感情好似嚟得太快, 經過個場kiss一幕, 佢哋又因誤會分開咗, 雖然最後Harry明白當中原因, 但片尾也無再提呢段感情, 可能係下一集會有新發展。不過, 我始終覺得Harry同啲外國女生拍拖會較順眼。

4. 片中天狼星遭人暗算而死, Harry視佢為親人, 所以好傷心。不過呢一幕, 佢既死有點兒戲, 交代得唔清楚。

5. 有一個密室佈滿水晶球, 跌哂落嚟個場亦非常精采。

6. 校長鄧不利多其實好少將佢既魔法大哂冷。但今次佢同佛地魔正面交峰個一幕, 就超............超....................超...............勁。

7. Harry今次要防範佛地魔, 所以石內卜教佢一種魔法, 結果Harry睇到石內卜過去唔開心既回憶。哈哈, 石內卜原來後生個時係咁既......

8. Harry今次就無乜同佛地魔用魔法正面決戰, 反而係靈魂既層面上有一場惡鬥。最後Harry與朋友仔深厚既友誼令佢搵番自己, 而佛地魔始終無法得逞。呢一幕有點點感動, 沒有友情同愛既佛地魔, 就算魔法有幾勁, 都是徒然。

9. 妙麗真是女大十八變。當年細路女既佢, 頭髮好似掃把, 但宜家既佢就靚哂。雖然不能話好靚, 但可說是一個有自信、有義氣同有腦既女生。

10. 啱啱睇咗少少明珠台既Harry Potter第一集, 見到Harry、榮恩、妙麗同其他同學既細路仔模樣, 令人覺得時間過得好快。佢哋成長既過程竟然有咁多人見證, 真係幾有趣。

11. 我還是喜歡細路仔既Harry, 個樣幾可愛同較為特別。不過, 大個咗既Harry啲演技真係好咗好多。如果Harry繼續要係娛樂圈發展, 唔知佢會唔會俾人定型呢?

12. 有啲Yahoo網友反映原著有很多情節, 呢套戲未能夠交代哂, 所以有啲失望。我份人咁懶, 當然唔會睇原著, 所以無意見。記得好耐好耐之前, 我曾經試圖看第一集英文版既Harry Potter, 結果是看了數十頁就放棄, 但我印象中呢本書真是寫得好好, 好多文字既描述都好似電影中一幕幕既畫面。真係好佩服作者有咁厲害既寫作能力, 可以擴闊讀者同戲迷既想像空間。

我最後都無選擇去IMAX睇, 因3D既戲情只有20分鐘, 且計埋車費, 真是$$$。不過, 我近期喜歡去CWB既JP睇戲。呢度係一個很好的戲院, 銀幕大之餘, 且啲座位通常唔會被人阻住視線, 可說是坐得舒服, 看得開心。 哈 ~ ~ ~

[willy]

我朋友話這套哈利電影的原書寫得不好, 所以建議我可以不看.

佢地真係大得好快, 到大結果時可能都是中年人一名.

我昨日看電影, 發覺原來有很多哈利迷, 佢地個個都扮到好似巫師一樣. 希望佢地唔好以為自己真係巫師, 坐房屋企枝掃把飛出街就釨.