不能說的秘密 (Secret)

[beaniebean]

近日看電視廣告先知道Jay自導自演既戲快將上畫. 在搜查有關資料時搵到電影歌曲既MV(http://www.youtube.com/watch?v=C6dO6hCunTA) . 聽後真是有點失望......... 風格依然是周杰倫, 但沒有驚喜。旋律方面, 我只喜歡最初的一段鋼琴聲, 而歌詞方面, 更是連少少的感動也感受唔到.

我還是喜歡幾年前既周杰倫, 喜歡佢將意想不到既元素柔合係音樂裡面 (例如: 飛機聲、乒乓波聲、神父禱告聲等等), 而歌詞有的好有feel, 有啲就相當有新意.

但奈何近這一兩年Jay既歌已不及以前給人個種surprise. 不知是我變了, 還是Jay無變呢? 我也不知道........

尋日, 一個Jay既超級忠實粉絲同我講, 佢已經唔聽佢既歌。因時間關係, 我未來得及問佢原因, 佢已經閃咗.

我心裡面想, 佢既生活可能已唔同咗, Jay既歌對佢嚟講可能已無咗個種感覺....

歌手在變時, 歌迷也在變 ... 要長時間喜歡同一個歌手, 真是不易.

離開咗世界既歌手總是特別令人懷念..... Leslie, Anita, Danny, 家駒, 籮記, ... 好多首既令人回味既歌又隨隨想起來…

我本來都無諗住睇呢套片, 難得有朋友叫我去睇, 我當然樂意去啦.

不知呢個 “不能說的秘密” 是否很難說出口, 埋在心裡面會較好呢? 如果最後我真係睇咗呢套片, 先再補充.

不能說的秘密
作曲：周杰倫
作詞：方文山

冷咖啡離開了杯墊
我忍住的情緒在很後面
拚命想挽回的從前
在我臉上依舊清晰可見

最美的不是下雨天
是曾與你躲過雨的屋簷 oh~
回憶的畫面
在蕩著鞦韆 夢開始不甜

你說把愛漸漸放下會走更遠
又何必去改變 已錯過的時間
你用你的指尖 阻止我說再見
想像你在身邊 在完全失去之前

你說把愛漸漸 放下會走更遠
或許命運的簽 只讓我們遇見
只讓我們相戀 這一季的秋天
飄落後才發現 這幸福的碎片
要我怎麼撿

[potassium]

佢啲詞特別，都係因為阿文山

原來嗰個歌迷呢排又聽返佢啲歌喇~

[beaniebean]

哈哈. 嗰個周杰倫超級歌迷真係好百變.... 不過, 佢始終係一個長情既人, 所以仍然咁支持阿Jay.

星期二終於睇咗呢套片, 因為故事既後半段劇情真是意想不到, 所以嗰個“不能說的秘密” 確實唔可以講出嚟........ 否則, 就無咗個surprise喇!

其中有一段講述周杰倫同一位鋼琴王子大鬥彈琴, 不少Yahoo網友太讚厲害. 我也覺得好勁, 但同行既朋友已考咗7級鋼琴, 佢話其實有唔少看似精采的部份係鏡頭剪接效果, 勁既部份可能只佔少量.

片中有笑料地方, 特別是黃秋生呢個阿爸 ... 嚴肅得嚟又搞笑, 佢同阿邊個跳舞個段 .... 正~~~

當然, 故事也有地方是不合情理, 而最有問題... 就係劇中既塗改液.

女主角既樣子就麻麻哋, 好似欠咗啲氣質, 同阿Jay也不太襯. 如果換咗另一個有音樂氣質既靚女, 呢套戲既好睇指數會上升0.5粒星. 不過, 各花入各眼, 以下明報影評也讚女主角.

看完此片後, 對阿Jay既喜愛指數由6分升番去8分. 阿Jay真係好有才華, 自導自演之餘, 又係一位出色既唱作人. 佢最有型既時候...... 係當佢眼超超望人, 笑笑口得嚟又帶點招積既樣子 ... 真係好有型格.

早前, 佢嚟香港宣傳呢套片時著住個件粉紅色短身西裝褸, 係佢至可以著得咁好睇.

總結, 呢套片既結局出人意表, 不妨一看, 特別係周杰倫既fan屎.

明報影評: http://hk.news.yahoo.com/070802/12/2cupw.html

[willy]

個女主角麻麻哋,又欠咗啲氣質, 阿J都揾佢, 一定係有原因. 可能女主角識做戲, 又可能部戲個角色好適合佢, 總之有原因?!? 好似港姐冠軍一樣有人話麻麻哋, 又欠咗啲氣質, 無線又一樣搵佢, 一定係有原因.

"看完此片後, 對阿Jay既喜愛指數由6分升番去8分." 阿bean乜你個愛恨指數系統, 好似海鮮賀咁, 時常變....

好, 等我而家你yahoo看看, 睇下d網友點講先. 如果好的話, 一於BT下來看看. (講笑)