五星級大鼠 (Ratatouille)

[beaniebean]

星期日終於看咗呢套戲, 意見如下:

1. 只能講一句: 太好睇 ~~~~ 對卡通迷嚟說, 呢套係必看既電影.

2. 鄭中基既配音好笑, 佢把聲同老鼠主角"味王"好夾又好襯.

3. 畫功靚爆!!!!!!!巴黎既夜景勁靚, 而霧景就格外浪漫. 味王好鬼cutie, 成身毛茸茸, 好似好軟棉棉咁.

4. 味王經歷連番險象環生既場面, 好精采. 要睇過先知道有幾好正.

5. 味王同闊條麵(男主角)既感情好特別, 可說是"義氣"行頭. 味王為咗攞番2份對闊條麵好重要既文件, 於是奮不顧身去保護啲文件. 有咁既老鼠仔做朋友, 真係好幸福...

6. 食評人在尾段既一番說話. 好有意思, 佢終於良心發現....

7. 最美味既食物, 係令你有所感動同回憶既食物, 而片中尖酸刻薄既食評人, 最令佢震撼既食物....原來係佢細個時阿媽煮既一道菜. 呢個味道已一早遺忘. 很感動的一段.

8. 好多細節既地方都做得好好, 真係好感謝呢套片既工作人員咁有heart去製作一套令人開懷既卡通片.

看完呢套片, 開心指數又上升喇~~~

諗諗吓... 我記番起令我有所回憶既食物, 佢就係以前讀書時係學校canteen食既早餐 “羅漢齋痷列”. 我並不是個喜歡食齋既人, 但呢個早餐好令人回味. 自畢業後, 我已無再食過. 不知宜家嗰個canteen仲有無賣呢個早餐呢?

近呢一年有2次食嘢令我有點感動:

1) 一間朋友推介既九州拉麵店(朋友話係日本也有): 麵款/油份/濃淡度/辣度/配菜均可供客人選擇, 佢既糖心雞蛋相當好食.

2) 一間經常大排長龍既壽司店: 嗰次我約咗個舊同事, 好彩我口水多過茶, 係不經不覺之下, 我不停口講嘢就等咗3個鐘, 到有位時已接近晚上11點. 對我來說, 呢度最好食的就是鰻魚壽司, 鰻魚既溫度恰到好處, 甜甜的... 再飲番啖果味濃郁既菠蘿果汁梳打酒... 真是很正...

[Cindy]

yeah..
我尋晚都睇左..
好好睇呀..
勁正..
令我即刻想飛轉paris..