火拼時速3 (Rush Hour 3)

[beaniebean]

由於我對成龍一向沒有好感, 再加埋當年嗰單轟動一時既新聞, 印象分跌至谷底, 所以本來無諗住睇呢套戲, 但由於阿媽鐘意睇, 所以星期六咪陪佢去.

結論, 比想像中好, 我會俾3粒星.

故事情節一般, 有不合邏輯既地方, 部份劇情尚算緊湊, 故事最終俾一個大配角的士佬了結咗, 佢失驚無神就會出現, 好似隨時隨地都知成龍同佢拍檔既行踪, 勁過啲GPS. 真奇怪, 的士佬既戲份比女主角還多.

呢套片例牌地加入啲艷女同笑料, 坐响我隔離既阿叔成日笑個不停, 但我覺得又未至於有咁好笑.

尾段劇情主要在巴黎既艾菲爾鐵塔發生, 有幾場打鬥場面都幾危險, 所以我好想知道, 究竟尾段劇情係實地拍攝, 定係搭場景拍攝既呢? 抑或係靠CG呢? 如果係實地拍攝, 咁就好唔容易囉.

明報影評: http://hk.news.yahoo.com/070815/12/2dnz1.html

[willy]

上個星期五, 和朋友出街吃飯, 沒事做. 我便提意去看<<火拼時速3>>(Rush Hour 3). 點知我d朋友個個都say "NO". 話成龍唔掂. 佢地話寧願去看<<導火線>>(Flash Point). 通常, 我都唔看港產片, 所以食飯去也.

看來成龍給我的朋輩的印象是差了很多. 其實我也不大清楚為何, 但一說起成龍片, 我總是覺得千篇一律, 不看也無損失.

[beaniebean]

宜家啲CG實在太勁啦, 好多天馬行空既打鬥場面層出不窮, 反而真功夫就變得平凡及沒有新鮮感. 加埋成龍唔係靚仔, 年紀又不輕. 作為觀眾既我見到佢咁搏, 實在有點驚恐... 佢有乜閃失就唔好喇...

人的生命有時很脆弱的, 報紙間唔中就報導有啲人打通宵牌、打通宵機、打幾場波........無啦啦就離開呢個世界, 想講句bye bye都講唔切... 所以成龍都係唔好咁搏囉.

時代變遷, 電影迷的要求越來越高. 我曾睇番啲幾十年前既片, 節奏太慢, 有點頂不住.