WeWeWeb .NET

今星期無無聊聊, 於是就去找套電影看, 本來是去看一套卡通影片 <<日本鎖國>> (VEXILLE 2077 ), 不過去買飛時原來已落了畫 (又會咁快 口架:?:). 於是就轉看這套 <<魔幻星塵>> (Stardust). 本片有一點像 <<納尼亞傳奇：獅子、女巫、魔衣櫥>> (The Chronicles of Narnia: The Lion, the Witch and the Wardrobe), 一樣是說及主角闖入魔法世界的奇遇. 但 納片 的對象是小朋友, 我看時沒有多大的感覺. 而魔片的對象是年青人, 所以我看得比較有feel

本片的故事很單簡, 落泊王子遇上磒落的星星 (星星在童話世界是個女生), 幾經歷險後而萌生的愛情故事. 雖然片長128分鐘, 但整體感覺不錯, 不會覺得悶. 描寫各個角色的心態都很細膩, 忠奸分明. 有很多外景, 觀景很闊和很舒服. 特技也不錯, 沒有過份使用, 恰到好處. 本片也有很多笑料, 很自然, 不像 <<魔盜王3>> 那樣的搞爛gag.

本片唯一美中不足就是女主角, 沒樣也沒身材. Well, 我還覺得她比較像男主角的姊姊.

一套不錯的電影, 我會給予四粒星.
---
PS: 建議邀請你的愛人或想愛的人去看, 感覺應該會更好.

Willy一向要求喪高, 今舖竟然俾4粒星. 除咗女主角外, Willy既其他評價亦相當高. 另Yahoo網友俾既分數亦相當高, 有4.5粒星.

現時呢套片只有少戲院上映. 好彩有一間係我工作地方既附近. 受了呢篇文章既影響, 我已決定過多2日去睇lu.

片名有點普通, 但希望看後令人喜出望外.

星期二睇咗. 真的..............很好看.

我既意見如下:
1. 女主角對小鼠既一段愛的獨白, 真係幾感動, 講咗一連串愛既形容詞... unconditional, unexpected, unbelievable, uncontrollable, unbearable ... 相信唔少人有同感.

2. 片中既笑位, 通常來自嗰班自傷殘殺既王子, 最後個個都無得留低, 成為一群幽默既亡魂, 與我們一起成為觀眾去睇個故事既發展, 不時加啲抵笑既對白, 令呢套片生色不少.

3. 有一幕男主角係巫婆屋窗外視察屋內環境, 係靜靜既background突然其來一嘢.... 估不到嚇咗我一跳.

4. 沙翁船長(羅拔迪尼路, Robert De Niro)同佢既船員也很搞笑. 特別是船長對住鏡跳舞自我陶醉既一幕, 勁爆笑. 雖然船長被人揭穿是gay的, 呢點破壞咗佢一貫殘酷冷血既形象, 但佢班船員仍好有義氣, 繼續支持佢.

5. 女主角(嘉露兒丹絲, Claire Danes)既樣子確實麻麻地, 眼神有點兇, 而且輪廓較硬, 予人惡死既感覺. 不過, 我覺得佢有點似曾相識, 經過網上搵料後, 原來佢宜家28歲(1979年生, 但可惜樣子比實際年紀大), 且已拍咗好多套片(http://hk.knowledge.yahoo.com/question/ ... 7100602768). 我可能以前已睇過佢做既片都未定.

6. 三個老女巫為了回復逝去既青春, 不擇手段要去食女主角既心. 奸人始終係奸的, 最後一幕, 我也俾佢呃到, 那個女巫(米雪菲花, Michelle Pfeiffer)既演技真係好好. 呢段又帶出一個訊息“青春非常寶貴, 逝去不復再”. 唉, 過去咗既青春就算數, 唯有好好珍惜剩下既青春, 有乜東東想趁有青春時做的, 就唔好再等啦~~~ Time waits for no one 嘛.

7. 有一點我很欣賞的, 就是此片的情節高潮泆起, 當我以為呢一段應係結尾既時候, 點知又唔係, 真係估佢唔到. 哈, 咁先至夠精采.

8. 愛情既童話故事大多數係happy ending, 呢套也不例外, 仲係“永遠幸福快樂地生活”至perfect嗰隻. 現實生活中, 不知有多少對couple可以好似佢哋咁呢? 不過, 看完呢類童話式既純真愛情故事, 總給人一種久違了既兒時感覺.

對我來說, 繼<<怪俠多籮籮>>後, 呢套係Willy另一個好介紹. 呢兩套片, 我係看了佢既文章先至去睇的.... 真的好好睇喎.