東京鐵塔 - 我的母親父親

[beaniebean]

未看之前, 已預計呢套片好感動. 不少Yahoo既網友影評已話自己喊到豬頭咁. 自認不太眼淺既我, 結果還是低估了呢套片既感動程度. 至於同行既朋友, 我估計佢都用咗一包紙巾, 而戲院內也不時傳來鼻涕聲, 可想而知呢套片有幾感動. 其實套戲既最後30分鐘, 我既眼水已不停流下, 但費事俾座響我隔鄰既人知道, 所以就慳慳地用咗一張紙巾.

片中很細膩地形容兩母子之間既感情, 相信有不少既情節, 大家都會身同感受到阿媽對自己有幾咁好. 由於片中既阿媽身患重病, 在醫院裡受盡病魔既煎熬, 因藥物影響而不停嘔肚, 辛苦到“典”牀“典”蓆, 痛苦時連腳趾都緊緊扭在一起. 真是見者留淚, 聞者心酸. 做阿仔既男主角(小田切讓)同做阿媽既女主角(樹木希林)既演技都非常好, 佢哋既真情演繹感動咗好多觀眾.

看完呢套片, 我認為:
1) 對嗰啲父母仍健在既仔女來說, 應該感到自已好幸福, 因為還有機會好好報答父母
2) 對嗰啲無機會報答父母既仔女來說, 呢套片會勾起已遺忘既點滴回憶, 是一個好好懷緬過去與父母共處既機會.

有些人很少喊, 原因通常有2個:
1) 生活愉快, 或者無不如意既事發生, 所以無乜原因要喊.
2) 情感已變得麻木, 喊同唔喊都無乜分別, 在悲哀時已不懂作出什麼反應, 已到達欲哭無淚既地步.
對於屬第二類的人來說, 我非常贊成佢哋睇吓呢套片, 至少可刺激下情感既神經線.

另外:
1) 片中既松隆子真係keep得好好, 佢既外貎同佢十年前拍既<<戀愛世紀>>無乜分別, 樣子仍然清新好看.
2) 男主角小田切讓在片中既髮型很特別, 長長的, 有點亂, 好似自己同自己剪咁, 而且佢既服飾顏色都與別不同(如: 粉紅色衫配粉紅色褲, 紫色衫配紫色褲). 不愧啲宣傳單張話佢係型男, 確實唔係位位男士都襯得起呢種style.

片尾播了一首由福山雅治唱既歌, 有興趣可看呢個MV: http://www.youtube.com/watch?v=EkTuHQDQ ... re=related

[beaniebean]

另外, 呢個故事在香港已改編為廣播劇(), 女主角係司棋姐, 而男主角係林海峰.

另有首歌係由有耳非文主唱(). 如看過此片, 會更明白到歌詞所講既嘢.

電影中男主角經常講"GULUGULU", 意思約係"轉來轉去".

東京鐵塔下GULUGULU
作曲：梁基爵
填詞：林日曦
編曲：梁基爵

ＧｕＬｕＧｕＬｕ　踏步在休閒中午
ＧｕＬｕＧｕＬｕ　別垂頭自命受苦
ＧｕＬｕＧｕＬｕ　任動盪世情可惡
難受的　由自己　加上音符

＊人人忙亂轉動　埋頭原地轉動
無從容納理想和衝動
別被迷惑作弄　思想動作失控
志氣斷送在城中
如能隨遇轉動　如孩童在轉動
難成才但至少能起動
你有的青春　都即管推進
安心揮霍　開心放縱

ＧｕＬｕＧｕＬｕ　待遇未會如首富
ＧｕＬｕＧｕＬｕ　別排除病患疾苦
ＧｕＬｕＧｕＬｕ　命運未靠誰吩咐
由上走　由下走　不要攙扶

[willy]

快樂的故事我會多看幾次, 但傷感的, 我一套也不會看 (朋友邀請除外). 我們現實世界所發生的, 也有很多不幸和不開心, 因此我不想做夢是也看到一些傷心的事情.

[beaniebean]

我也不喜歡看悲情片, 特別是絶症片. 今次也是朋友想看, 所以咪一齊去睇, 反正近排呢套戲也有很多人討論.

Willy, 你其實不用怕看完呢類片會發夢都見到啲傷心既事. 事關你有一項特異功能........ 就係"選擇性永久失憶", 即係啲不重要既事可以好快地徹底忘記.

最厲害之處是不會recall絲毫記憶, 情況就好像keyboard上delete既掣, 一按即無. 呢項特異功能, 真令人羨慕不已. 正所謂, 不如意事十常八九, 如果可以很快地忘記不快既事, 完全唔記得哂, 真係好爽既呢~~~