小男人週記舞台劇 <<Kiss Me Goodbye>>

[beaniebean]

上週六看了呢套舞台劇, 但不用我付錢, 因啲飛係朋友送的, 而票上既價錢竟然係$420, 即係最貴嗰隻. 心想座位既位置應該唔錯, 可惜事與願違.

我對<<小男人週記>>一點認識也沒有, 印象中沒有聽過廣播劇, 又沒有看過電視劇同電影, 只知道阿旦就係那個小男人. 結論, 呢套舞台劇只是一般. 靚女陳法拉既演出不算多, 對於那些喜歡陳法拉既男fans, 可能會有點失望. 我認為片中最惹笑既地方, 就係阿蛋、李思捷及蔣志光嗰part. 另有些地方有點悶, 特別係當梁寬(即: 阿旦)講佢同劇中囡囡既過去感情, 要聽明佢所講既一番說話, 有點吃力, 但也有人覺得好感動. 不過, 對那些<<小男人>>fan屎來說, 可能比我會有更多既feeling. 正所謂, 各花入各眼.

不過, 我有2點極為不滿:
1) 九龍灣展貿既演出地點非常差勁, 那兒有2層, 樓下座位完全在同一地平線, 那個舞台又搭得唔高, 我見到前面既人頭多過見到啲演員, 唯有全程在那兒看大型電視機, 但那個大型電視機間唔中會short short 地. 如要付出$420坐那些位置, 簡直完全不值. 在山頂的歡眾可能仲看得清楚. 連阿旦既blog()中, 都有人作出呢啲批評. 主辦機構應該要檢討一下, 下次搵啲合適既場地, 唔好求其就算.

2) 從今次既輕驗, 我發現觀眾既質素都好重要. 不幸地, 那天我坐咗響個細絡前面, 那個細路不停講嘢, 又不停打機, 其聲浪之大非常騷擾他人. 我一邊聽台上演員講嘢, 一邊又聽見細路講嘢同打機聲, 好似nicam咁, 簡直精神分裂. 我真係好想拎轉個頭同呢位細路講: “你可唔可以唔好出聲? 同埋唔好打機?”唉, 有什麼質素既觀眾坐係你附近是不能控制的, 只有聽天尤命. 試想想, 你一路睇戲, 而你張椅背一路俾個細路踢, 相信唔火滾都奇. 我同意每人有權做自己喜歡做既嘢, 但有一個condition, 就係不影響他人. 但可惜, 不少人是自私的.

臨完場, 有首歌幾好聽, 經我在網上搜查, 原來係好耐無開金口既林珊珊唱既, 我差啲忘記咗佢曾經係歌星. 首歌既歌詞好有意思, 歌聲也相當動聽, 但至於阿旦那段旁白是否啱聽, 就見仁見智喇...

看後有2個問題:
1) 小男人既定義是什麼?
2) 如果時日無多既話(如: 剩番一星期), 會做啲乜東東? 會否有勇氣去做一直好想試既嘢? 去講啲一直唔知點講既嘢呢?

我上一次看舞台劇, 已是多年前既事, 又係唔駛我俾錢, 啲飛是朋友送的. 劇名已不記得, 只記得焦小姐(女主角)作了性感既演出.

Kiss Me Goodbye
主唱: 林珊珊
試聽:

就要終結這比賽　跑不了　請喝采
立塊紀念碑　好讓你　以後給記起

＊回頭行一轉　有數百辛酸
如能行多轉　亦都不嗟不怨
從頭來清算　也有過虧損
總算能活過　臨別亦沒怨＊

La Kiss Me Goodbye　
人生競賽　何等精彩
細節起伏　用來記載
旅程極可愛　
將親吻豁出來　鬥贏　這場　競賽

旁白：鄭丹瑞
我一直都相信，命運係控制喺我哋手裡面
冇錯，啱呀，人哋就係
我，我就偏偏畀命運控制住
不過，我都唔知係咪應該多謝佢
多謝佢，逼到我埋牆角
逼到我抖唔到氣
如果唔係，我永遠都唔會知道
自己有幾強，直到真正嘅考驗嚟到
不過老實講，唔係我想堅強
而係，我根本就冇得揀

[willy]

個人覺得小男人周記這類話劇不夠專業, 所以有免費票也未必會看.

看見你的描述, 說明我的想法沒有差太遠. 因為話劇不夠專業, 觀眾是一些對話劇要求不高的. 例如那位"不停說話的小朋友". 遇到同樣的情形, 通常我先會"bear"住佢作一個warning, 如果佢唔醒目, 我會出聲罵佢(包括佢的家長).

什麼叫小男人? 這個是很難定義的. 簡單一點說是將男人兩極化, 不是自命為大男人的就全歸類為小男人就是了.

[beaniebean]

哈... Willy... 如你要bear住呢啲un皮既細路, 咁你嗰樣要兇啲先至得; 否則, 恐防佢只會同你講"嘿嘿嘿... 叔叔(或哥哥), 你個樣好funny喎!", 又或者啲細路會調轉頭bear番住你...

你對小男人既定義很獨到及精簡. 呢個答案令我想起了違忘已久既Set Theory. 如無理解錯誤既話, 呢個case應屬於Complement.

U = 全世界既男人
A = 大男人
A' = 小男人

A n A' = U (Universal Set)

其實, 真係乜都唔記得哂... 只不過係網上搵到啲資料參考吓.