殺神特工 (Wanted)

[beaniebean]

尋日睇咗呢套片, 結論是兩個字 “勁爆”!!!

結局出人意表(係呢套戲我最喜歡既地方), 其中有幾場戲, 我估係用電腦特技做出來, 但視覺上非常逼真, 而呢個故事源自於紡織業, 所以有紡織既場景, 對我來說, 有點新鮮感.

哈, 故事所講既密碼, 竟然用咗....., 實在有點意外, 原來係1000年前啲人已識(不是真的嗎?).

女主角安祖蓮娜祖莉(Angelina Jolie)真係好索, 又型又Cool. 唔好講話啲男士, 連我都好想望多佢幾眼, 最喜歡係佢對迷人既眼同性感既靚唇.

幾個月前, 我看過一套戲(Becoming Jane <<珍奧斯汀少女日記>>), 嗰次係第一次在銀幕上認識男主角占士麥艾禾 (James McAvoy). 當時覺得佢雖然唔係話一眼就覺得好靚仔, 但嗰種不羈既感覺就好深刻. 今次, 佢真係相當型仔(尤其係尾段一幕獨力大殺四方). 佢由一個吞聲忍氣既小職員變為一個好勁既殺手, 其中一個原因係佢突然間多咗好多...... , 自信心都返哂嚟. 男主角其中有句說話, 大約意思係“每日放工最掃興既事, 就係諗起第二日要返工”, 相信呢句亦係好多打工仔既心聲.

外國電影既操口用得最多相信係 “Fxxx”, 而呢套片既中文翻譯啲譯法係我以前未見過, 主要同 “egg”有關, 且近期我也聽見同事間唔中爆幾句. 唔知係咪新興既粗俗說話呢?

不過, 此片也有相當血腥既場面. Willy, 你之前話你喜歡睇啲打打殺殺既戲, 所以呢套係一個非常好既選擇, 唔睇就好可惜囉.

[willy]

我今個星期五才看.

[beaniebean]

由於套片都有唔少畫面睇到我有點暈, 所以記得買後啲座位既飛.

到時你都係唔好買爆谷, 事關你唔會得閒食. 現在回想睇戲當日, 我的附近竟然有人食橙, 一陣陣的橙味傳過來 ... 到散場時見到佢手中既膠袋內有橙皮.

哈, 等你睇完再問你一個問題, 因為開頭有個情節過得太快, 到片尾我知道咗真相時, 想諗翻那個情節究竟講乜時, 已無從稽考.

另外, 你過往睇咗咁多套戲, 你認為呢部片既血腥指數是否很高?

[willy]

血腥指數不萛很啊, 可以接受. 這片的特技很棒, 題材也很新穎 (雖然有點unrealistic, 但是還可以接受).

[beaniebean]

係開頭無耐, 有個殺手(即男主角一直以為既親老豆)由一幢大廈爆窗而出, 閃到對面大廈既天台殺咗幾個人, 跟住佢聽咗個電腦, 突然之間就被人隊冧咗...

想問 :
1) 電話內容講啲乜?
2) 係邊個主使要隊冧呢個殺手? 係咪組織既首領(即犘根費曼主演的角色)?

[willy]

Sorry bean, 這一節我答不到你. 因為那時我在看動作, 沒有留意到戲情.

[beaniebean]

啊, 原來你也不知道... 睇嚟呢套片既情節真係過得好快.

我認為火車跌落深谷一場戲的特技做得逼真, 真想知那個地方是否存在係地球上.

另外, 男女主角在地鐵車頂上追蹤同拗腰避開啲橋既動作很有型. 當然, 臨尾男主角衝鋒陷陣大殺四方既一幕, 則係全片最型既地方.

有一點感到遺憾的... 就是女主角點解要咁相信嗰啲所謂既"天意"呢? 那個首領講既嘢可能係老作, 填張爛鬼form再貼塊布有幾難, 佢既解釋其實係掩飾.

我一向好喜歡電影有首尾呼應既編排. 如果大家仍記得既話, 片頭及片尾各有1人均係地下有"X"符號既位置喪命.