新鐵金剛之量子殺機 (Quantum of Solace)

[willy]

上星期五看了此片. 不大滿意.

須知我最愛係靚仔, 呢個男主角丹尼爾基克（Daniel Wroughton Craig）, 一點兒乜不靚, 也不可以用型字去形容. 算, 因為入場前我已知道.

再說個片名"量子殺機", 大家唔好被量子這個高科技的名字所迷惑. 此片原來是完全沒有科技可言. 真好笑, 所謂的量子, 原來只是一個英國情報局完全沒有資料, 但又無孔不入的祕密組織, 你說奇嗎? 更奇的是本片的第一奸角（馬修亞瑪希飾）(祕密組織的某個2打6會員吧), 更Cheap(弱)到出奇, 只有一很弱兩個身下跟身, 又沒有大殺傷武器在手. 比007打兩下就死狗咁, 何來殺機可言. 噢可算是完全無劇情. 又算.

講下色情, 女主角中, (阿M（茱狄丹芝飾）唔計, 因為佢係男係女都冇乜分別), 第一邦女郎黑妹（奧嘉古莉寧高　Olga Kurylenko）個樣都幾有氣質, 但佢同007, 完全冇感情戲, 就好似當年楊紫瓊拍鐵金剛, 打打打, 不過呢個黑妹又唔見的有乜打鬥鏡頭 (除咗最後一節, 佢同個軍頭打, sorry係比個軍頭打才對). 至於所謂第二邦女郎 (珍瑪雅德頓飾 Gemma Arterton), 個樣就真係痳痳地 (佢係英國新晉女星剛於英國皇家戲劇學院畢業), 本應有很大機會發揮其演技, 可惜出鏡前後不足15分鐘就瓜咗. 編劇為答謝廣大的007fans, 指派第二邦女郎同007演了一幕床上戲(不要以為是真色情, 此部分情節絕對是老少咸宜), 以滿足fans們的需求. 好, 又算.

最後講動作, 有很多人對我說, 這占士邦很寫實, 好打得. 嘩, 莫非係荷里活版成龍或李連杰? 當有動作情節時, 攝影師個鏡頭會不斷移動, 觀眾跟本沒可能看清楚一個完整動作. （可能因為打得太真, 太激烈, 攝影師要一方面要閃避, 一方面要拍攝, 真是搵食難)．

總括來說, 這部占士邦片是我看過的邦片最差的一部. (計及電影手法/技術的發展)

---
最後我會給予此片三星評級.

[beaniebean]

噢, 原來係咁... 我俾"量子"呢兩個字呃咗, 仲以為係啲有懶巴閉既高科技.

嘿嘿嘿... 好多人都知最高領導人最愛係靚仔, 所以佢最愛既人係.... (*** 各位自己估吓, 睇吓大家同我既答案是否一樣? ***)

我本來都想睇呢套片, 但近排很忙, 且有其他好既選擇(如下), 再加上Willy既意見, 所以我決定都係唔睇囉:
1) 歌舞青春3：畢業嘉年華
2) 爆粗BAND友
3) 黑幫有個荷里活

希望係我上路前既星期二(11/11)可以睇到<<歌舞青春3>>, 因為Yahoo既網友影評有4.5粒星星.

Haha, Willy, 你唔好不大滿意啦~~~~ 因為你睇完後俾咗啲咁好既意見給大家, 咁大家就可以慳番啲錢去睇第二套電影, 所以呢套片讓你做了一件好事. So good 呀!!! 呵呵!!!