雖然故事並不特別, 但演員演技自然. 不少人既影評大讚男主角(Zac Efron)的演技好好. Zac係戲中飾演一個有17歲外表但已37歲既老豆. 由於佢太有型靚仔, 於是我即日拿拿淋去租歌舞青春<<High School Musical>>既第1至3集, 諗住再看看佢有幾咁迷人, 但點知因假期關係, 呢3集一早已俾人租咗, 我唯有等遲啲有空再看. 哈, 我去Wikipedia看看. 原來佢係戀愛大爆發<<Hairspray>>既男主角, 怪不得咁熟口面.
片中不乏很多青春既靚仔靚女, 令人感覺好有活力. 唉, 17歲係幾咁好呢~~ 不過, 回想自己係17歲時做緊乜, 不外乎係測驗、考試及上補習堂中渡過, 其他既回憶無乜lu, 所以我其實並不享受17歲既時候. 再要係測驗、考試及上補習堂中渡過, 咪搞我囉.
男配角阿叻好鬼搞笑, 佢追求女校長既情節, 係異常爆笑. 阿叻係一個另類既人嚟, 但最終能於茫茫人海中揾到個咁啱channel既另一半, 實在很幸福. 佢哋仲可以用精靈話溝通, 一種只有佢哋2個人先知對方講乜既語言, 勁正~~~
Post番幾張Zac既靚仔相先...
Source: http://hk.myblog.yahoo.com/kenji-chan/article?mid=8534
