WeWeWeb .NET

上星期睇咗呢套日本片, 由於有軟硬配音, 且電影很有漫畫感覺, 好笑程度比我想像中高很多, 有點喜出望外. 這是一齣我近年難得頗喜歡的日本片. 現時Yahoo電影啲網友評分係4.5粒星星, 我認為係實至名歸.

由於無力再寫咁多字, 我以最精簡的字講出感受(但最後都好囉嗦地講咗一大堆):
1) 結局頗出人意表.
2) 演員表情幾誇張, 但又唔覺得造作, 非常搞笑.
3) 片中"纖型老西"好搞鬼, 外表很似米芝蓮. 至於如何可著上後變得靚仔, 理論上是無可能的, 但因只是做戲, 故不用深究.
4) 男主角好醜, 係生活上遇到很多不公平既對待...其中幾段係巴士發生既劇情都很反映到現實情況, 不少人都會以貌取人... 唉, 樣衰既人總給人討厭.
5) 結局是happy ending, 但以現實來看, 這種個案是極少數會發生的, 我估計機會如同中六合彩三奬咁難. 所以, 醜男們不要信以為真, 誤信自己很大機會成為其中一個幸運兒.
6) 軟硬配音令呢套片生色不少. 兩者之間. 我喜歡阿葛多過阿Jan, 因阿葛把聲同份人搞笑好多, 但醜男一角總是揾佢做配音, 而阿Jan就可為靚仔做配音呢? 不過, 平心而論, 阿葛為醜男配音, 確實係傳神好多.
7) 片中帶出一個訊息需大家思考: 你想揾既另一半係咪要係靚人? 定還是一個會陪你笑、陪你喊、很關心你一切、處處為你著想既人呢?

最後, 片中醜男有2個選擇俾佢: 做回自己(即醜男)或永久地變為一個靚仔呢? 如果你就係佢, 你會點揀呢? (呢個問題不一定只給男仕答, 女仕也可以答的. 只需把醜男改為醜女, 靚仔改為靚女即可.)

hahahahaha....sounds good

Let me take a look sin...but may not go to see that movie... I look at myself is ok...hahahahah

dog 真有幽默感.

哈, 真係幾幽默~

電影中的同一個人, 有2個身份 - 醜男及靚仔. Dog話"I look at myself is ok", 不知Dog認為自已似那一個?

不過, 我個人認為2個都不似Dog. 所以, Dog有空時也可去看看呢套片, 開懷大笑一餐也是好的.

我諗很多人都聽過... "呢個世界無醜樣既女人(男人), 只有懶惰既女人(男人)"... 不知有幾多人認同呢句說話?

希望有心減肥的肥人(包括肥Bean), 有志者, 事竟成!!!

Dog, 如你是有心減肥的人.... 呢句"有志者, 事竟成"都啱你既.

我就 冇聽過 "呢個世界無醜樣既人, 只有懶惰既人".

只係時常都聽到人地講, ""呢個世界乜人都有".

嘿嘿嘿, 其實呢句通常只嚟形容女人, 我未聽過用嚟形容男人. 只要在yahoo打上keywords, 不難找到類似的句子.

我已找丁一篇有類似句子的文章(已是05年10月), 有興趣可看看.
()

由於最高領導人唔係女人, 且又唔係醜樣(係handsome及kawaii先至啱), 所以無聽過呢句說話係絶對唔出奇既.