反斗車王 – 勁…勁…勁好睇!!!

[Guest]

尋日去咗睇 “反斗車王”, 結論係…實在太…太…太好睇!!!!!! 呢套片啲車全部有獨特造型, 尤其是嗰部有哨牙既車, 好鬼得意。片中講賽車既情節, 好有速度感, 緊張刺激。另外, 部片有好多場啲景畫得好靚, 特別是當男主角同女主角係風和日麗同風光如畫既美景下遊車河, 有一種好浪漫既感覺。當然, 呢套片亦有好多溫情同爆笑連場既地方。最感動既一幕, 係出現係最後既一場賽事裡, 主角雖然勝利在望, 但眼見一部快將榮休既一代車王撞傷時, 諗都無諗就放棄冠軍而調頭去協助同鼓勵車王完成賽事, 令車王係賽車生涯中劃上完美既句號。

林海峰同葛文輝真係值得一讚, 佢哋既配音非常生鬼同搞笑, 令部片生色不少。總有, 套片啲歌好正。另外有一點要強調, 就係呢套片一定要由頭睇到最最最…最後, 如果唔係就走寶, 事關係片尾有好多令人會心微笑既地方, 仲有其他迪士尼卡通片既主角係度客串。

當呢套片遲啲出DVD既時候, 我一定會火速購買… 如果想開開心心度過2小時, 呢套片實在不容錯過。

[Guest]

(資料來源: Yahoo)

[明報專訊] 彼思製作迪士尼出品的數碼動畫片，技術性與娛樂性都有保證，這部大型新作也不例外，繪製精巧生動，情節老幼咸宜，還有良好的主題教育性。此片特別迎合美國作為汽車王國的口味，我不是車迷，覺得不及<海底奇兵>和<超人特工隊>奇趣，但觀感也不錯。

各地各式飛車片很多（包括去年賣座港片<頭文字D>），把汽車拍得有靈有性的亦不少（例如近年重拍的<鬼馬神仙車>），照例都有人物，由人駕車。現在<反斗車王>（Cars）破例地以車代人，完全是汽車世界，妙在也有雌有雄，有貧有富，有明星有觀眾，只是入油代替吃飯。

主角是賽車新星"閃電王"，十分沙塵招積，得寵自負。片中大賽車和公路飛車的場面相當驚陰刺激，而且高度逼真。主戲是他趕往加州爭冠軍途中，在大西部荒漠英雄落難，受困於"打冷鎮"﹔發生奇遇，使他明白車德﹕品德重要過名利。

導演尊拉瑟特貫徹他拍<反斗奇兵>系列的作風，全部車都像玩具模型車，超現實卡通化，但情節很日常生活化，毫不神怪。窮鄉僻壤"打冷鎮"的廢車殘車老爺車，就充滿街坊親切感，老土可愛。主角和他們化敵為友的過程有情有趣，亦像<頭文字D>遇到老車王，傳授轉彎絕技。

此片最有意義是對荒漠小鎮及不離不棄的鎮民充滿敬愛，把風土人情拍得出色。主角與哨牙車玩"反艇"趣致，他和靚女車的戀情浪漫，結局則宣揚仁者無敵。

石琪