雖然, Shirley闊別咗大家有一段好長時間, 但有實力始終係有實力, 成個演唱會都好精采, 是一個很用心去做既演唱會。碟中有唔少鏡頭捕捉咗歌迷既超熱情反應, 佢哋好多都興奮到企哂係到同Shirley吶喊, 就好似去咗個好好玩既Party。
呢個演歌會當然有唔少Shirley既經典金曲, 令人懷緬起90年代啲歌。其中, Shirley翻唱咗阿梅既 “夢伴”同埋Eason既 “明年今日”, 別有一種韻味。另外, 佢同林一峰及Eason分別合唱既 “非愛不可”同“親愛的”一樣好合拍。如果呢隻碟有埋譚校長同佢合唱既 “舊情復熾”, 咁就太好喇。
其實我係一個鐘意慢歌多過快歌既人, 但佢啲快歌都好正, 令人好想隨著輕快既拍子起舞。係Encore既時候, Shirley面對住歌迷既熱情反應, 實在忍唔住喴起嚟。由於化咗妝既緣故, 所以一行黑色既淚水徐徐落下, 真情流露。在最後離別既時候, 佢多次好有誠意咁深深鞠躬同埋送多咗好多個飛吻俾啲歌迷。
呢隻碟有bonus features, 其中Shirley講到佢個仔仔既時候, 感受到佢係一個好媽咪。佢話希望仔仔將來懂得知道自已既價值, 唔係由其他人話俾佢知。這句說話令我有所思考。是的, 人往往係不知不覺下, 生活係人哋啲睇法裡面, 最後無咗自己, 好多想做既事就咁落空。所以, 我要好好把握當下, 做自己想做既事, 實行Be myself, 仲要Play hard & work hard。
雖然, 早前連續幾個月, 活係地獄當中, 一下子覺得心身老咗好幾年, 本來諗住要好好休息吓, 決心每晚係12點之前要瞓覺。但呢個演唱會實在好好睇, 快樂不知時日過, 咁快又到淩晨 …
