2012 末日預言 (2012)

[willy]

昨天看了這套戲. 幾好看. 部戲差不多全CG. 雖然整體上都OK, 總覺得不很完美. 例如CG注重大場面, 但細節度不足. 有啲地方我覺得很假. 至於戲情, 整體上有點兒戲, 予人借題發揮之感覺. 不過還不乏煸情之環節.

2個半鐘的片長, 很少泠場, 值得一看.

我予以四星的評價.

[beaniebean]

啊, 好耐都無看最高領導人寫影評了...

呢套片好似係大片嚟, 事關我見到2間百老匯戲院(數碼港及iFC)明日各上16場及19場, 金鐘AMC也上18場.

我都會去看, 但要下週末了. 最高領導人俾4粒星星, 我諗應該唔錯呢.

[beaniebean]

尋日終於看咗喇... 呢套片有點點似<<明日之後>>加<<鐵達尼號>>. 再例牌地加入經常見到既元素... (如: 大難臨頭時人性既醜惡及捨己為人既可貴精神...等等). 唔, 無諗過現代版挪亞方舟會係咁.

睇完後有啲唔安樂. 嗰腦係度幻想...世界未日來臨時會否如此恐怖? 超級地震、火山爆發、高達幾千呎既海潚, 乜都出現哂, 最後洪水淹沒了整個地球.

有些情節都幾唔合情理... 例如: 主角一家能過渡一個又一個既險境, 可說是奇蹟.

如有呢一日出現, 好明顯星斗市民會係最早死既嗰批人嚟, 根本無路可逃, 而現代版挪亞方舟會好似電影一樣, 只留給那些超級有錢及有權勢的人. 我認為到時各國政府不應把消息封銷, 令人民蒙在鼓裡. 如可以既話, 政府最好提供"特效安眠藥"(吃一粒可zzz兩三日), 係世界未日來臨前幾粒鐘食定先, 咁樣就可能係夢鄉裡同周公打住牌而離開呢個世界. 如好彩死唔去的話, 咁兩三日醒番之後又再成為另一條好漢.

不過, 到時我還有一項任務要做.. 就係係呢樹留言給大家... "祝大家Good Luck, 有緣再見", 並發出通告"weweweb要無限期休息直至另行通知"... 如世界上有另一個空間係讓人係死後再聚的話, 咁到大家咪再係weweweb玩過夠. 我諗我到時大把時間去好好鑽研每一個game. 嘿嘿, 其他網友未必是我的對手.

唉... 唔諗咁多了... 去zzz先...

[willy]

bean, 不用怕, 人係難逃步向死亡的厄運.

所以有生之年, 要對自己好啲, 對家人好啲, 對朋友好啲. 甚至對一啲唔識既人都好啲. 咁就算做不枉此生了.

[beaniebean]

最高領導人真係好有智慧, 絶對係一個大智者嚟.

夠竟如何能不枉此生呢? 最高領導人用了很簡單的一句便道出精髓所在.

唔... 我要好好記住呢句, 並實踐出嚟, 咁先可以不枉此生.