星期日去咗睇呢套戲, 原因係我同我啲小朋友親戚都係Keroro 啲Fan屎。Keroro真係好鬼得意同可愛。難得呢套片係佢哋第一次係大銀幕出現, 所以一定要去捧場。片中帶出既訊息係人與人之間需要信任, 如果互相猜疑既話, 大家都唔願意對話, 心裡面就會失去希望,。最後, 憑住Keroro同佢好朋友冬樹大人之間既深厚友誼, 將危機化解。全場有不少笑料, 但如果無睇開呢套卡通片, 可能會有少少唔明白。不過, 我誠意推介俾未睇過呢套卡通片既人, 真係要睇吓先至明白啲Fans點解咁鐘意呢班青蛙。佢哋好有性格, 成日搞搞陣, 尤其當Keroro見到高達既時候, 隻眼發晒光咁, 真係笑到停唔到。
啱啱去完Yahoo睇吓啲網友既影評, 只能用一句形容, 就係 “好評如潮”, 不過大家都覺得套片太短, 只得1個鐘, 實在意猶未盡。唯有等下一集推出啦!
gerogero gerogero gerogero …. Keroro, see you la!!!
Keroro 軍曹大電影
Who is online
Users browsing this forum: No registered users and 22 guests