月滿軒尼詩 (Crossing Hennessy)

[beaniebean]

早兩個星期前睇咗呢套片. 唔, 我覺得呢套愛情小品都唔錯.

好耐無睇過張學友演戲, 今次佢做既電器行太子爺, 日日瞓到黃朝八晏, 有姨媽幫佢打點一切, 所以佢份人都幾懶. 因為生活無憂, 做人唔想有責任, 佢係一個都幾hea既人嚟. 張學演都演得好神似.

鮑姐、朱咪咪及李修賢真係幾好戲, 佢哋老來既感情都幾搞笑.

至於湯唯同張學友, 佢哋本身在戲中已有喜歡的心上人. 湯唯的男友坐緊監, 而張學友則一直掛念離開佢十幾年的前女友(已嫁咗人). 後來, 湯唯的男友放了監, 張學友的舊女友離了婚再找番張學友再續前緣, 本來兩對情侣好似有個happy ending.

點知, 原來"最愛的人"卻不是佢哋一直默默等候既人嚟.

湯唯及張學友的相識... 是因要應付家人的要求而相睇, 之後只是保持朋友關係去交往. 佢哋間唔中去吓茶餐廳食嘢, 張學友又借啲書俾愛看書的湯唯看, 又講笑話令湯唯覺得好好笑的, 但原來情愫已默默種下.

有一幕, 我都幾有同感. 湯唯的男友知道女友不愛自己了, 於是氣沖沖走去找張學友打佢一鑊甘, 跟住就話張學友太弱, 點去保護湯唯. 但張學友講咗一句, 我覺得好正! 張學友當時大約係咁講"我識令佢笑, 你做到嗎?" 湯唯的男友一向好易動武, 脾氣爆燥, 經常令湯唯好擔心佢. 所以, 有時唔係要個身型大隻識得打架就保護到女朋友, 反而簡簡單單的笑話令個女友開心就己好好.

嘿嘿, 套片加插了喬寶寶及盧冠庭的演出, 都幾搞笑架.

雖然Yahoo的網友影評只是一般, 但我覺得呢套小品, 表面上好似淡淡的, 但卻有一種令人舒服的温馨感覺.

最後, 我諗起一首舊歌, 就是林子祥的<<最愛是誰>>... 首歌雖舊, 但我諗歌詞仍是很多現實生活中的寫照... 我一直好喜歡呢首歌, 因旋律動聽之外, 啲歌詞都幾感動咁~

<<最愛是誰>>
http://www.youtube.com/watch?v=c7zuzzYZ ... re=related (嘩, 原來1986年了! 呢個MV見到24年前既林子祥, 張艾嘉及繆騫人)
http://www.youtube.com/watch?v=V6XRrthd ... re=related (呢條link既音色正好多)

在世間尋覓愛侶
尋獲了但求共聚
然而共處半生都過去
我偏偏又後悔
別了他原為了你
留住了愛亦留住了罪
誰料伴你的心今已碎
卻有他在夢裡
為何離別了 卻願再相隨
為何能共對 又平淡似水
問如何下去 為何猜不對
何謂愛 其實最愛只有誰
任每天如霧過去
沉默裡任寒風吹
誰人是我一生中最愛
答案可是絕對
為何離別了 卻願再相隨
為何能共對 又平淡似水
問如何下去 為何猜不對
何謂愛
誰讓我找到愛的證據