今日, 發生咗一件完全唔掂的事. 搞到宜家又凍又肚餓及一肚已熄咗大半既火.
正如劉德華所講, 今時今日咁既服務態度... 真係無諗過會發生係我身上.
未到約滿前既幾個月, 佢哋已不停係到call 我 (可說是奪命追魂call). 其實, 我已好清楚同佢哋講, 我要考慮吓, 到約滿前既一個月先好再打嚟. 但唔知點解, 佢哋永遠都無記錄客人既要求, 仲不停打來. 呢個情況已令人有點反感.
最離譜的反宜係今日呢單嘢. 話說約一個前我最終都被佢哋游說成功, 答應upgrade現用服務及續新合約, 約咗今日安裝.
唉.. 之後...今日發生既事, 都唔想講咁多...
總結係... 等咗4個鐘得個吉, 負責既人唔嚟又唔出聲, 打咗好多次俾佢又唔聽電話, 打去hotline 兩次又係得個吉, 後來有2個hotline既人打返嚟話會跟進又係得個吉.
就係咁... 搞到去唔到那個同親友既新年飯局, 仲要係到白等幾粒鐘.
我已同佢強調我要去飯局, 故要提前時間, 大家同意咗一個時間, 我就趕返屋企好準時地等佢, 但佢就放飛機, 仲要係完完全全徹徹底底地失踪. 那個hotline 又係癈的, 根本幫唔到手, 乜佢哋call 自已既員工都call 唔到? 實在太奇!!! 到宜家都無任何消息.
其實, 負責既人有事唔來到或想改時間, 只要打個電話來商量吓, 我是絶對無問題. 但最後個情況係咁, 我只有一個感覺, 就係"完全唔掂, 不負責任". 我到宜家都唔係好明.... 點解佢唔打個電話嚟? 夠竟發生乜嘢事?? (我估佢可能唔敢打嚟, 費事俾人炳.)
經此一事, 我已對哋呢間公司好失望. 佢哋既客戶服務都非常強差人意, 啲人根本無溝通, 得閒就呢個跟進, 轉頭又另一個跟進, 搞到我又要重覆講個問題俾佢哋知. 無氣!!!
如可以的話, 我想終止個新合約. 不過, 睇怕都唔得.
完全唔掂
-
- Knight-Champion 一等騎士
- Posts: 1610
- Joined: Fri Sep 01, 2006 10:06 pm
- Location: 藍星
- Contact:
Who is online
Users browsing this forum: No registered users and 8 guests