WeWeWeb .NET

今日, 我收到一個老死既電郵, 主要係報平安同講吓佢由香港去印度嗰間瑜伽學校既過程, 真係長途跋涉, 唔係人人頂得住。

真係好鬼服佢, quit咗份工做自己鐘意做既嘢, 真係型! 佢將會係印度留一個月學瑜咖, 希望有個好好既體驗, 同埋可以啓發到啲新靈感。佢係個勁人, 當年佢會考報10科, 俾佢攞到N個A, 而且GPA成日高企, 年年攞船。曾經有個學期, 佢有科完全唔上堂, 係屋企自己研究, 結果個科成績係A。佢份人好好。想當年, 我有時會問佢借啲功課嚟"參考", 佢從來都無講過一句"你千祈唔好抄!"。咁既老死, 真係邊樹搵。

係呢度祝佢有個奇妙既旅程, 快啲返嚟同佢啲friend分享旅途中既趣事。

Pot妹, 其實你有啲似我既老死, 就係叻得嚟又平易近人, 爽朗且不拘少節。不過, 你仲有樣勁過佢, 就係你份人好風趣幽默, 同埋講嘢好鬼抵死。試過有幾次, 你係msg寫既嘢笑到我碌地。Hahaha...

嘩，乜真係有「印度瑜家學校」架？？我以為係「高朋滿座」(TVB劇集呢) 吹出嚟嘅添？！你個fd係咪搵你丁，其實係去著草咋？！？

hahahhahaha.....N條A仲要GPA高企？！點都relate唔倒去我度啦！我當年會考得16分，仲要俾人踢咗出校去第二間中學讀預科！大學都係得2nd low畢業~ (畢倒都執返身彩~~~~ ) 不過原來我俾倒你一個咁嘅impression喎！bean妹，你一定係一個好「滑頭」嘅人！你係咪marketing人嚟架？！

hahahhahaha....我係悶起上嚟至「口沬阻欄」咋~~~
不過我都好明白你睇倒msg笑到扒喺度嘅情景，有時我見倒d好笑嘅msg，都會一條友坐喺度傻笑，真係嚇死隔黎屋！

喂，原來你喺度！快上game room啦！

你兩個妹前妹妹後, 真係相敬如賓. 乜真係會笑到碌地? 有點難想像

其實quit工去做一些自己喜歡做的事有乜困難, 有錢咪得囉. 但係對於一群貧苦大眾來說, 的確是無望.

willy，吓吓打全名beaniebean又太冗長，咁叫阿bean又好似爭d咁，咪加個「妹」字囉~~~

嘩，如果我有錢，我都夠膽quit咗份工！不過我真係冇

咁我又冇笑到碌地，但真係「哈」出嚟囉，例如見倒一個大陸嘅menu翻譯如下：
「蟹黃湯包」……你估佢點釋？！


Dumplings stuffed with the ovary and digestive glands of a crab呀！

我係外國人，真係嚇死！

仲有
「自助終端」﹙即係提款機 )

係Help onself terminating machine！

Pot妹, 呢啲印度瑜伽學校既課程應該幾受歡迎, 我個friend本來想報既課程(讀完有張cert)滿哂, 先至改報宜家嗰個(讀完無cert)。佢唔係去著草, 因為有份政府工等緊佢11月返嚟做。

不過, 我估佢唔係好多$。佢去印度之前情願做PT都唔做FT, 因為想有多啲時間做自己喜歡做既嘢。佢對生活要求唔高, 但鐘意自由自在, 所以成日搬出去住。為咗慳錢, 佢通常租住大厦天台、舊樓套房或新界區村屋, 而嗰次我參觀過佢係村屋既睡房, 最驚嚇係佢張木板床有好多蟻行來行去。噢, 係佢先頂得住, 真係有性格。

Pot妹, 我都想我係個滑頭既人, 如果係既話, 就唔駛宜家仲係兩袖清風, 同埋人浮於事啦!!! 我唔係marketing人嚟, 只係一個小小既打雜...

你舉既例, 真係好搞笑, 尤其係第一個。好驚呀!!