WeWeWeb .NET

Pot妹, 我要走喇!

原因係我要放一個悠長假期, 但都只不過係十幾日, 所以, 我大約會係兩三週後先再上嚟呢樹蒲頭。我今晚就會起行去地球既另一邊, 由於我仲未執好包袱, 聽日仲要返工, 所以時間非常緊迫, 我只能長話短說, 遲啲返嚟再話你知。

今次, 我會一個人上路, 去到當地會有人帶我去玩, 所以唔駛用腦, 真係好! 其中有1至2日會跟人去flea market擺檔做小販, 到時我會用最親切既笑容同最誠懇既服務態度去serve我啲客仔。

好在呢個年代有DC, 可以俾我盡情影相。 照我估計, 我今次應該會影超過一千幅相。如果我影到啲得意嘢, 我會精選幾張俾你睇。

雖然我有一段時間唔係度, 但唔駛掛住我喇!
(Pot: 慳啲啦! 呢度無人掛住你!!!)
(Bean: 其實我都知, 不過都係講吓啫!)



Yeahhhhh ~~~~~~~~~~~~

嗱嗱臨覆一句先！！！

你要走？！仲要成幾個禮拜？！我點算呀？！

Pot妹, 呢度有你個位好好人既Willy同好朋友阿力士陪你, 所以唔駛唔知點算好。到時Willy係個game room蒲頭, 就唔好俾佢做watcher, 一於焗佢同你玩番幾舖XWord。

如果我去到個度可以用到電腦既話, 我會send個msg同你say聲 “Hi” 架喇!!

仲有, 我都會掛住你!!! 哈哈哈!!!

Bean, 你緊係好耐都唔出過門喇. 而家通信科技發達, 只要有一部手提電腦, 很多地方都可以上網. 所以唔駛驚上唔到weweweb而掛來掛去.

今日係我返嚟既第3日, 終於有啲時間可以上嚟講吓嘢。

帶部notebook去上路?! 真係唔好喇。我今次已帶咗2部DC同1部攝錄機, 連同差電器(2個)、電池(5件)、記憶卡(5張)及攝錄帶(3盒)已令我非常吃不消, 而且全部係問屋企人同親戚借, 所以如果唔見咗, 我就死梗。

其實, 係搭長途車無所事事之際, 諗吓啲你想諗起既人, 都係一個唔錯既選擇。PotPot, 我當然有諗起你啦!!! 我通常會諗吓你當時係香港做緊啲乜東東? 唱緊K定係weweweb緊?

因為今次我有部份時間住係人哋屋企, 所以有2次機會同地球另一邊既PotPot及阿力士吹咗一陣水。嗰種“那麼遠但卻這樣近”既感覺都幾有趣。另外, 我曾經住宿過一間麻麻地既客棧, 該處有上網服務, 收費係US$8/hr, 而最低消費係US$1, 呢個價錢聽落真係有啲貴。

今次我影咗超過2000張相, 以我咁慢吞吞既處事態度, 如要整理好啲相, 估計要一年半載。但為咗可以揀選少量相同呢度兩位高層分享吓, 我希望可以加速12倍, 盡量係一頭半個月內完成, 而嗰2位高層係:

1) 我非常敬佩既XWord師傅 (我仲記得上次阿力士用“mentor”嚟形容佢。真係非常貼切, 佢真係我既“良師爽友”。)
2) 一個資深旅遊家, 早年已展開佢環遊世界既大計, 宜家佢可能只欠北極同南極仲未去過。如果可以聽佢講吓旅遊心得, 應該會獲益良多。

我都知呢兩位高層日理萬機, 實在忙到不得了。如果可以既話, 都希望佢哋可以抽空睇吓啲相啦! 不過, 如果無時間既話, 都唔緊要喇!

Hi Bean,

好高興又見到你蒲頭, 看你的文章就知你係攝影發燒友. 唔好講咁多, 拿拿聲post一兩張大作上來欣賞一下. 最好就係連同一張玉照, 給weweweb的什麼高層來一個評頭品足.

哈哈！WELCOME BACK MY DEAR BEAN!

我呢排好忙，好少上嚟，連xword都冇時間/精神玩，不過我會繼續喺度開枱。11月1號啦，我諗我就得閒啲架喇。

好累呀，個腦轉唔倒，唔打咁多喇。

你post啲相喺邊？

我其實唔係專業既攝影發燒友, 只不過自知老咗既時候, 記憶力唔好, 所以靠影相去留番啲回憶。如果宜家仍係菲林時代, 我會影600至800張相就收手, 實在唔想同自己個荷包過唔去。其實, 有好多相都係車上拍既, 所以有啲濛濛哋。

今次, 我好高興係幾個不同地方見到松鼠, 佢哋唔太怕人, 其中有一隻仲爬去我隻鞋上面。佢哋眼仔睩睩咁望住人, 非常得意, 於是我又忍唔住影咗幾十幅有松鼠嘜頭既相。有時見到啲好靚既花花草草, 我又會影一大堆相。呢個就係點解我影咗咁多相既原因。老實講, 我真正滿意既相唔多, 大部份都只不過係一堆snapshots嚟。

PotPot, 因為我仲未整理好啲相, 所以仲未post出嚟。由於你哋兩位高層既時間實在太寶貴, 所以我仲諗緊用咩嘢簡潔既形式去present出嚟, 費事睇到你哋眼瞓喇。

PotPot, 聽見你近排咁忙, 我只能希望你可以順順利利兼事半功倍去搞掂啲工作。不過, 最緊要都係好好休息, 唔好太夜瞓。Take care!!!

我近排懶開有條路, 好鐘意放工返屋企或食完晚飯之後就瞓覺。就係咁樣, 嗰啲肥膏就極速係我身上增長。我只能用“好逸惡勞”嚟形容現時既我, 腦裡面淨係諗住幾時可以去休息。不過, 我過多一兩日就會回復正常, 又要開始諗吓點樣搞掂啲麻煩嘢, 至少做啲運動唔好令自己繼續增肥。

yeah我又回覆文章喇，真係好freeeeeeee~~~~~~

bean你真係正氣人嚟個喎，我好少接觸大自然，我正正就係時下社會嘅cyber人，日日夜夜對住部電腦唔願郁兼唔會悶嗰種。

對上兩個禮拜真係好忙，唔夠訓之餘都大大地壓力，原來我塊面啲暗瘡真係同壓力有關！因為呢幾個月keep住有睇skin doctor，塊面唔會多過2粒暗瘡，就算有，都係訓醒第二朝就唔見嗰啲。但對上幾日出咗3粒！！而家仲未完全「沼」滅倒佢哋！

我塊面家陣值幾千蚊架，哼，我一定唔可以再俾呢個情況出現！所以 ...... 我要早睡早起！

咦係喎bean，唔記得回應你「身上長出肥膏」呢個issue添！

你係咪肥人？定係瘦人？

我覺得而家啲瘦身廣告太盛行，搞到時下年青人對肥瘦嘅價值觀歪曲得好犀利！

不過話說回來，我當初都成日減肥，但呢一兩年開始唔減都瘦，瘦到我自己都唔係好開心，但係瘦又有佢好處喎，因為乜衫都著得落！(不過好唔好睇又係另一回事)

haha ... 好矛盾，同埋呢個entry真係冇主旨，純粹諗倒乜就講乜~~~~


呀，我記得喇，我重點係想講：bean (如果你真係一個肥妹仔)，呢個世上係冇肥人架，只要你有awareness，keep住自己體重constant，唔自甘墮落，「肥田」嘅身型應該好難發生嘅自己身上。

其實肥有什麼問題? 最更要係開心. 肥或瘦得過火多不為大眾喜愛, 重有可能會死, 但如自己高興, 便沒什麼大不了.....就算真的是肥人, 最多給人冠以一個稱號為"死肥妹／婆", 那又如何?

所以不要介意是肥定瘦, 只要你有沒awareness, 便不需keep住自己體重constant. 不要介意別人怎樣看妳, 說妳”墮落”, 妳大可以笑回一句: ”越墮落, 越快樂"．　

Pot, 真係替你高興。你既acne問題應該差唔多好番哂, 又變番一個靚Pot。

真搞笑, 呢個文章主題無喇喇講到肥瘦問題, 仲同“墮落”有關!?

Willy, 最衰就係你個網站日久失修, 搞到個討論區死咗幾個鐘。而家太夜喇, 要瞓覺, 留番聽日再補充。

(Willy: 呢個唔知係乜嘢會員嚟, 淨係識得投訴, 要blacklist佢先得。)
(Bean: 唔好呀~~~~~~ 不過, 我都係講事實啫!)

唔知點解d電腦程式和無端端就死左. 好彩佢唔似得人咁, reset 完又可以生生猛猛.

由我係9月1日報到至今, 據我所知網站出現問題既次數有兩次, 一次係個XWord database壞咗, 另一次係尋日個討論區死咗。如果以“日”去計算既話, 則有3.125% (= 2/64)既日子, 呢嗰網站係有啲問題。呢個數字應該比正常既standard高, 亦即顯示呢個網站係unreli.... (雖然真正既standard可能係以“秒”嚟計算)

(Willy: 呢個會員又係到散播謠言, 就嚟會踢佢出去。 )
(Bean: Gosh!!)

由於啱啱作咗篇文俾PotPot, 所以係時間瞓覺。呢個肥膏話題要留待下回再下回分解。

Bean 用妳的計法, weweweb 的 standard 應該很好, availability 有 96.875%, 大學生拿到70%已可以拿A了. 選舉特首, 超過50%就可以坐正.

現在拿我的ISP計, 它們一個月有一個晚上會有routine maintenance. 那 availablility 只有 96.67%

再拿我玩的online game計, 它們一個星期有一個晚上會有routine maintenance. 那 availablility 只有 85.71%

其實weweweb網主係有佢的原則, 就係唔會理會乜乜 quality, 只會盡人事, 死了就reset.