肥田囍事

無無聊, 吹下水先
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

肥田囍事

Postby beaniebean » Sun Nov 05, 2006 2:46 am

講起肥膏呢個話題, 我就想講吓呢套電視劇。其實, 我都好怕追電視劇, 因為好困身。但最後我由第一集追到最近既第十集, 至少睇咗90%。

係套劇入面, 肥田係個好可愛既肥妹仔。佢為人樂觀、有理想同原則、心地好、喜歡幫助人...等等。雖然好多人因為佢肥而揶揄佢, 但佢一於好少理, 總之自己開心就得, 而且堅持要係世界上搵到一個同佢心靈相通既人。

截至現時, 我最印象深刻既係第5集。肥田係嗰集為咗鼓勵大四喜, 畫咗一幅似日出但又似日落既畫俾大四喜, 主要想令到大四喜明白到凡事都有兩面。當一件不如意既事發生, 其實係可以從另一面去睇, 咁嗰件事其實未必係一件壞事。我覺得呢個比喻好好, 得閒可以提醒吓自己。

雖然, 呢套片無"棟篤神探"或"阿旺"咁搞笑, 但都係一套好睇既電視劇。當然, 我又要講吓嗰首係片尾成日播既歌"豬先生"。其實, 呢首歌出咗街有好幾個月, 最初聽既時候覺得個歌名有啲搞笑, 其他則無乜特別。但當呢首歌配合番套劇既時候, 我就覺得幾好聽, 同埋啲歌詞好感動。雖然, 胡杏兒唔係歌星, 但我覺得佢唱既版本好聽過許志安, 可能係套劇裡面, 佢既遭遇同歌詞相似。

嘿嘿, Willy。早前我同你對"蠢豬"或"儍豬"既理解剛好相反。不過, 你同我對呢個稱呼既見解都有係呢首歌既歌詞出現, 有興趣可以去睇吓: ()

Pot, 早幾日你話你無睇過呢套片。點解呢? 係咪唔鐘意睇呢類型既電視劇?

Pot, 你話自己唔減都瘦, 仲瘦到自己唔開心。噢, 咁你要肥番少少先得喇。正所謂心廣體胖, 你明我講乜東東架喇!!! 仲有, 如果你真係想肥番少少, 咁你就要食多啲鐘意食既嘢, 同埋瞓多啲。女仔唔可以太瘦架!

每個人對肥瘦既定義不同。至於我係肥人定係瘦人, 咁我要客觀啲去描述:
1) 相對少於100 lb既人嚟說, 我算係肥
2) 相對三圍超過40吋既人嚟說, 我算係瘦
(Pot: 廢話!!講咗等於無講。)

不過, 如果我可以輕多5-10 lb, 咁就最好, 有機會著到細碼衫。
(Bean: Bean, 醒吓啦! 呢個世界無free lunch。你咁懶, 又咁鐘意食, 真係發夢都無咁早!!)

Willy, 你之前話肥瘦都無問題, 最緊要係自己開心就得。我當然同意啦。因為人係為咗自己而活, 唔係受其他人既副面睇法而迫自己去改變。不過, 當好多好多人同時因為你肥而話你, 咁真係要好有guts先至唔會受人影響。

不過, 人們對肥瘦既睇法, 其實好受當地既culture影響。好似我早前去上路既地方, 嗰到好多肥人。無論男人或女人, 三圍大過四、五十吋大有人在。尤其係老鼠樂園, 嗰度勁多人, 係我既視線範圍內, 閒閒地有十個八個肥人。嗰啲肥既女士們大多好喜歡著小背心或緊身衫, 佢哋都不知幾逍遙自在, 一啲都唔覺得有乜嘢問題。

Who is online

Users browsing this forum: No registered users and 20 guests