WeWeWeb .NET

Posted: **Sat Jul 07, 2007 3:21 pm**

日係07年7月7日 (晴), 百年難得一見既好日。為咗紀念呢一日, 所以我又係度講少少嘢。

今日睇新聞報導, “7”對西方國家來說係個幸運號碼, 所以今日美國結婚既人數比平日多出3倍。

對我來說, 今日係我改為5天工作週既第一個星期六。星期六唔駛返工真係好爽。雖然要帶啲工作返屋企做, 但放假既感覺真係好正。我已決定咗一陣出去報讀2份卷既課程, 預備明年6月考試。其實上年呢個時候我也報讀咗另外2份卷既課程, 但一直係度拖, 結果一科都未考試, 所以我要的起心肝係呢幾日開始部署溫習大計, 希望今年12月份可以考1至2份卷。雖然脫離苦海(= 學海)已有一年, 現又重投魔掌, 諗起都辛苦到爆, 但歲月不留人, 有什麼想做就要趁早做。不過, 我今舖揀嚟讀既嘢係有3個大原則: 對前途有用、價錢合理及有彈性。呢個年紀先嚟讀, 真係老咗啲, 但有心唔怕遲, 希望考到我要求既成續。

明年北京奧運係08年8月8日舉行, 係一個非常好意頭既好日子。我也很喜歡 “8”呢個數字, 宜家要諗吓個日做乜好.... 去一個短線旅行也不錯。

如果各位想結婚既話, 08年8月8日係一個好好好好... 好日子, 意頭好又易記 ...

Posted: **Sat Jul 07, 2007 11:42 pm**

5天工作?
阿bean原來做政府工...
哈哈..
呢個階段轉做5days既得6個departments
阿bean係邊個呢?

Posted: **Sun Jul 08, 2007 3:45 am**

哈, 我都想做政府工, 咁退休既問題就唔駛惆悵囉.............

其實係幾個月前, 公司發生特變, 最高領導層換了班底, 由於要按“大婆”既公司政策, 所以先至有啲咁荀既安排。老實說, 如無發生特變既話, “五天工作週”係一件遙遙無期既事, 宜家可說是守得雲開見月明。

總之, 中國好 ... 香港好 ... 公司好 ... 我就好... (Bean 係一個忠心既小小小職員。)

Posted: **Mon Jul 23, 2007 10:15 pm**

阿bean你真係勁，係咁讀書

Posted: **Mon Jul 23, 2007 11:20 pm**

唉, 我無料先要讀多一點書...

如果我係一個非常忙或有其他重擔係身既人, 就真係無時間去讀... 原來我係一個閒人.

哈哈. 我上嚟forum之前正開始睇notes... 不過, 見到你既msg, 所以又忍唔住上嚟講吓嘢.

不過, 呢兩星期既上課既過程都幾enjoy. 今次我既2位老師係Miss, 2個都好後生, 成日都笑笑口, 其中一個樣子都幾甜美, 而且佢哋教得相當唔錯, 不時分享佢哋工作經驗, 教學手法非常好, 清晰、詳細及有條理, 將一堆看似好悶既notes變得好實用. 好佩服佢哋呢類攞哂牌既專業人仕, 係百忙中仲有時間去教書, 而且仲咁年輕 ....

每堂3小時15分鐘... 我無zzz過, 皆因佢哋既lecture實在好正..., 絶無冷場.

作為消費者, 我覺得我既學費係物有所值.

作為學生, 我好佩學佢哋咁後生又咁有料.

WeWeWeb .NET

三條七

三條七