皇后碼頭 ... 今晚特別熱鬧

[beaniebean]

啱啱睇咗晚間新聞, 皇后碼頭今晚人頭湧湧, 星光熠熠, 閃光燈閃過不停, 非常熱鬧.

如果明日不是要返工, 真想去個度蒲蒲, 感受一吓現場既氣氛, 當然要拍番啲相留念吓.

難得係呢個熱到爆炸既時候, 有一班人願意行出嚟講出佢哋既訴求, 捍衛香港人既集體回憶. 佢哋無懼炎熱既天氣, 有人絶食, 有人就唱歌及叫口號, 總之就力爭到底.

佢哋個份堅持同勇氣及耐熱能力, 我深感佩服...........

雖然我宜家嘆緊冷氣(因年紀大好易中暑), 但在精神上會支持佢哋.

努力... 加油...